Ke Alakai o Hawaii, Volume I, Number 8, 21 June 1928 — HOOKU'IIA A EHA [ARTICLE]

HOOKU'IIA A EHA

Aia o Clara Perry, 11 makahiki ke moe maikai la ma ka Halemai Moiwahine mahope iho o kona hooku'iia ana e kekahi okomopila ma ke Alanui Kamehameha i ke kakahiaka Poakolu nei. Olelo ae o Everardus Bogardus imua o na makai, ua holo ae keia kaikamahine ma ke alanui a hooku'i me ka okomopila e kalaiwaia ana e kana wahine. He wahi keikikane uuku loa iho kai holo mua ae mamua o keia kaa hookahi no, aole nae oia i hooku'iia e ke kaa. Ua lawe no keia wahine i ke keiki i eha i ka haukapila. E paiia ana ke kii o ke kaikamahine i eha i maopopo ka naha ame ka naha ole o ke poo.