Ke Alakai o Hawaii, Volume I, Number 15, 9 August 1928 — UA HALA HOU NO IA KAMAAINA [ARTICLE]

UA HALA HOU NO IA KAMAAINA

I ka hora 9:05 o ka po Poalima nei i haalele mai ai o Mrs. Julia Lapana Keawepooole i keia ola ana, ma kona home mauka anei o Pauoa, i ka aneane ana e 67 o kona mau makahiki. Hanauia oia ma Niulii, Kohala, Hawaii, i ka makahiki 1860 a i ka la 28 o Nevamaba. He nui na keiki, a he lehulehu na moopuna ame na moopuna kuakahi ame na hoaloha ana i haalele iho la mahope nei e u aku nona, a ke komo pu nei KE ALAKAI O HAWAII e u pu me lakou no ka mea aloha i hala aku.