Ke Alakai o Hawaii, Volume I, Number 24, 11 October 1928 — AKAHI NO A PIHA KA HALAWAI MA MANOA [ARTICLE]

AKAHI NO A PIHA KA HALAWAI MA MANOA

Mai ko'u hele. mau ana e hailolelo baloka mauka o Manoa a hiki iho la i keia kau koho baloka, o ka halawai a na Demokalaka i malamaia i ka po Poalua nei Oia ka halawai piha loa I i ikeia ma Manoa. Aole hiki ia'u ke hoomaopopo pono aku i ka nui o na kanaka, aka ma ka nupepa namu o ka Poakolu ae, hoikeia mai ia ua hiki aku ka nui o ka poe hiki mai ma ia halawai Demokalaka i ka 600. Me he mea la he hoike keia ua iini na mana koho o Manoa e lohe pono me ko lakou mau pepeiao i na olelo mai na waha mai o na moho Demokalaka Nui ka pa'ipa'i o na moho a pau Ina pela ko lakou mahiehie a hiki i ka la koho, alaila e ma huahua ana na baloka o na moho Demokalaka ma ko Manoa pahu, aole hoi e like me na mea i ikeia mau ia i na kau koho i kaa hope aku, haneri baloka i ka moho Demokalaka a i eono a ehiku haneli i ka moho repubalika