Ke Alakai o Hawaii, Volume I, Number 39, 24 January 1929 — AOLE PUPUAHULU I KO LAUA MALE [ARTICLE]

AOLE PUPUAHULU I KO LAUA MALE

GOLDENDALE, Ore.—Hiki mai la o W.W. Gerling o Partland ame Martha Jackson o na puu Goodnoe, Wakinekona ia nei e kii ai i laikini male no laua, aka i ko laua lohe ana ke komo mai la na Nene iloko o na mala huika o keia mau apana, noi koke ae la laua i laikini ki manu no laua i hiki ia laua ke hele e ki Nene. Olelo aku la o W.W. Gerling i kana wahine hoopalau, "E hele mua kaua i ke ki manu, pehea kou manao?" "Kupono loa kela i koʻu manao," i pane mai ai ka wahine hoopalau. "Hiki no ia kaua ke male i na la a pau, aka, aole e hiki ia kaua ke hele e ki Nene i na la a pau." Mahope o ke pakalaki ana o ka laua huakai ki manu, hoi hou mai la laua e kii i ka laikini mala.