Ke Alakai o Hawaii, Volume II, Number 5, 30 May 1929 — HOOPAU IA O W. R. KAKELA MAI KA HANA FEDERALA E HOOKOHUIA ANA HE HOALOHA NO STIMSON MA IA KULANA [ARTICLE]

HOOPAU IA O W. R. KAKELA MAI KA HANA FEDERALA

E HOOKOHUIA ANA HE HOALOHA NO STIMSON MA IA KULANA

WAKINEKONA, Mei 24.— īloolaha ae la o Peresidena Hoovei* I keia la i kona hookohu ana ia Joseph P. Cotton. he loio no Nu loka, a he hoaloha oiaio hoi no Kakauolelo Stimson, ka mea nana ke noi, ma ke kulana e paaia ana e W. R. Kakela opio. . I na la mua no o ka noho ana ae o ko Hoover hooponopono aupuni, ua maopopo mua hoi e hookohuia ana o W. R. Kakela ma kana kulana no i paa iho nei, eia nae, hoopauia mai Ia hoi. Aole i maopopo ke kumu o ka hoopauia ana o keia opio o Hawaii nei i malama pono i ka hana mai kela oihana mai, koe wale no paha ka makemake o ke kakauolelo hou e komo kona hoaloha malaila.

Aia ka hana a ko ke aupuni makua poe polikika la : aole nae he walaau o ko kakou mau riupepa namu.