Ke Alakai o Hawaii, Volume II, Number 37, 9 January 1930 — O MRS. ANNIE POAI ENEMOTO UA HALA I KE ALA HOI OLE MAI. [ARTICLE]

O MRS. ANNIE POAI ENEMOTO UA HALA I KE ALA HOI OLE MAI.

E ka Lunahooponopono o KE ALAKAI O HAWAII Aloha Hape Nuia kaua: - E oluolu hoi oe e hookomo iho ma kahi kaawale o ka kaua hiwahiwa i ike mai ai na makamaka, na hoaloha a me na lala o ka Hui-Akoni-Hemolele i kela wahi poo-manao e kau ae la maluna. Ma ka la 19 o Dekemapa nei i hoea mai ai he lono hoolele hauli e ha'i mai ana o Mrs. Annie Poai Enemoto ua hala i ke ala hoi ole mai no ka wa mau loa. Aloha no. He lala ku maikai oia no ka Hui-Akoni-Hemo-lele o Wailuku nei. He Komite oia no na makahiki he ehiku. A i kela makahiki aku nei i koho ia ai oia i Hope Peresidena no Kahului. Mai kona wai ikaika a hala wale aku la no, ua nui kona hooikaika i na hana o ka Ahahui. Ua pau kou hooluhi ia ana Ua pau ko makou lohe ana i kou mau leo. He maikai no oia a hala wale aku la no. Aloha no ke kaona o Kahului, ame na Camp kahi a maua e komo kauhale ai, e paipai ai hoi i na lala o ka Hui-Akoni-Hemolele e hele ae i ka Hui. Aloha no.

He eono ana mau keiki, he ekolu kaikamahine a he ekolu keikikane. Ua make mua no kana kane. Ua haalele iho oia i na ohana, ame na moopuna e u aku mahope nei nona.

Auhea oe e Mrs. Cwcilia Kekipi, aole oe e ike hou ana ia Mrs. Annie Poai Enemoto. No ka mea, ua haalele mai oia ia kakou no ka wa mau loa. Ua nui ko makou minamina iaia. Aloha no oe e Annie. Nolaila, ke komo pu aku nei na Lala apau o ka Hui-Akoni-Hemolele me na ohana no ka u ana aku nona. Me ka Lunahooponopono ahonui ko'u aloha Hape Nuia, a me na keiki oniu hua ko'u Farewell. Owau iho no, MRS. MOSES L. KAINA Hope Peresidena.