Ke Alakai o Hawaii, Volume II, Number 37, 9 January 1930 — MAKE I ALOHA NUIIA NO KUU HOAPILI HE WAHINE. [ARTICLE]

MAKE I ALOHA NUIIA NO KUU HOAPILI HE WAHINE.

Hon. JONAH KUMALAE, Aloha Oe me kou mau limahana. E olu olu mai oe e hookomo iho ma ka maka o Hawaii i keia wahi puolo kaumaha i ike mai ai na kini a puni na Paemoku. mai ka Lahiki mai ma Haehae a ka la koili i Lehua.

Ma ka la 24 o Novemapa, 1929, hora 8:30 o ke kakahiaka Lapule i kipa ae ai ka anela o ka make a lawe palanehe aku la i ka uhane ola o Agnes Kanaulu a waiho iho la i ke kino puanuanu na ke kane a me ka ohana a me na makamaka e paiauma aku ma keia ka'e o ka muliwai eleele a hoomanao aku.

Ma ka mahina o Maraki a me Aperila i ka Haukupila o Mrs. Agnes Kanaulu. O ka ikea na kauka, mamuli no ia o ke kokoino. Paumaia ke koko a maule oia. Kelepona mai ke kauka ia Mrs. Ida i ke kakahiaka hora 5. O kela o keia ku ana makou ua loaa iki mai ia ka maha, ua hepa nae ka olelo, a mai ia wa mai ke ano ihepahepa, a ma ka mahina o lulai, ano puka pahemahema mai ia ka olelo a kukule mai la a hoomaka mai la ka pii mai o ke ano upehupehu ma na wawae, a pela oia ma ia kulana a moe wale aku la no i ka moe Kau a Hooilo. Aloha no kuu lei.

Hauauia o Agnes ma Honokua, Kona-Hema, Hawaii, i ka la 17 o Pepeluari, 1884, mai ko maua puhaka mai, a ua hala e aku no hoi kona mama ame kona pokii. Auwe kuu aloha poina ole i kuu lei leo ole mai ia'u, kuu makua o kuu mau la palupalu. Hele aku la oe me ka ai me ka i'a me na mea apau, a hele oe moku ae la ke kaula gula mai kuu a'i ae.

hone o na manu, Kuu Kaikamahine i ka ualoku mai ina lau laau o ka Uahaao, Kuu lei i ka ua nihi hele mai i ke a maka uliuli o ka aina. Kuu kaikamahine i ka papahi lei lehua o Pinaonao. Au i ke kai aloha o Puakaioie, kahi a kuu lei e hele ai i ka lawai'a i pono no keia noho ana. Aloha ke kai nehe i ka iliili o ka ala me ka nalu ha'i mai o Maue. Aloha ka piina i kiiki o Puulepo o Kawahaokala. O ka wela o ka la maluna iho o kuu lei lehua e kuoe ana a hoomaha aku i Kuiahawae. Aloha la mau kualono ke noonoo ae. Ua mare oia me John H. Kanaulu me ka oluolu. a aole hoi he mau ku-ee kulu mai mawae-

luhelu iho la, elike no me ka na o ko laua noho ana, a he malama ohana. Mai ko laua mau puhaka mai he elua mau hua, oia o Miss Keanolani ame Miss Mary Kanaulu. Ke haawi aku nei makou apau i ka hoomaikai nui loa i ka Lunahooponopono o Ke Alakai o Hawaii. A me na hoaloha o kuu lei no ko lakou komo pu ana mai ma ka hoolewa a me ka lakou mau poke pua i hoohiwahiwaia iho maluna o kona home lepo. O makou iho no me ka luuluu. Mr. ame Mrs. S. M. Paauhau Sr John H. Kanaulu Miss Keanolani Kanaulu Miss Mary Kanaulu S. M. Paauhau Jr Mrs. Ida Mato Mr. ame Mrs. Wankai Mr. ame Mrs. Morita Me ka ohana. Aloha nui kakou. Dec. 2, 1929.