Ke Alakai o Hawaii, Volume II, Number 44, 27 February 1930 — HOEA MAI LA KE KAKAUOLELO MUA O M'ADOO [ARTICLE]

HOEA MAI LA KE KAKAUOLELO MUA O M'ADOO

I kela mau la aku la i hoea mai ai ke kakauolelo mua o ke aupuni federala, William Gibbs McAdoo i Hawaii nei no ka hoohala i kekahi mau la maanei e hanu ai i na ea oluolu o ko kakou mau kaiaulu aloha a e komo iho ai no paha ke aloha iiki paa iloko o kona puuwai a nana e kahea mau aku iaia e hoi hou mai i Hawaii nei ma keia mua aku

I kekahi mau la mai, laweia aku la oia e hoomaamaa i ka oihana lawaia a ua pomaikai ka lawaia holona no ka mea ua aiia e ka mahimahi e ka ia holo pupule ke hei i ka makau. Haiia mai he 25 paona ke kaumaha o ka mahimahi mua i paa i kana makau. I ka po Poaono iho la i haawi ae ai na Kemokalaka i paina no kona hanohano makai ae nei o Kalia ma ka Hokele Niumalu Ua nui no na Kemokalaka i hoea ae ma ia papaaina no ke ake paha e ike i ke keonimana kaulana.