Ke Alakai o Hawaii, Volume III, Number 10, 9 July 1930 — HAULE HE KALAKA 300 KAPUAI A MAKE KE KALAIWA HOOKELE KE KALAIWA I KE KALAKA A KOKOKE LOA I KE KAE PALI [ARTICLE]

HAULE HE KALAKA 300 KAPUAI A MAKE KE KALAIWA

HOOKELE KE KALAIWA I KE KALAKA A KOKOKE LOA I KE KAE PALI

Make iho la o George Kaina 19, i ka hora 9:30 o ke kakahiaka Poakahi aku la iloko o ka haukapila o Waipahu i ka ulia i loaa iaia ma o ka haule ana o ke kalaka ana e kalawa ana ilalo i ka pali he 300 kapuai ke kiekie me ia e kau ana iluna o ua kalaka nei, malalo ae nei ke awawa o Waimanu. He kalaka hali paina apala kela i haule ai ilalo, a i loaa hoi kela ulia i ke ku ana o ko Kaina kalaka a hele oia e kokua i kekahi kalaka lawe paina apala e aku i pakii ke tire. Hooholo na kanaka e hoopili mai i pohaku mahope o ka huila i ole e peki hope ke kalaka oiai e hana ia ana ke tire. Makemakeia e peki hope ke kalaka no kekahi wahi liilii i hiki pono ai ke hana ia ka hana. Hele o Kaina e peki liilii i ke kalaka, a i kana peki ana, oi loa mamua o ke kupono a iho aku la ke kalaka ma kela aoao o ka pali a haule ilalo o ke awawa. O ka lawelawe ana a hoomakaukau me ka makaala o ke ala a no kou kuonoono. O ka olelo a ke Akua aole ia he mea haku wale, aka he mau hoike ana ia no na mea e hoea mai ana.