Ke Alakai o Hawaii, Volume III, Number 15, 13 August 1931 — $14,000 I KIOLA WALE IA MA KA PAKA KINOPOPO GOLF AE NEI [ARTICLE]

$14,000 I KIOLA WALE IA MA KA PAKA KINOPOPO GOLF AE NEI

Mawaena o 12 ame 14 kaukani dala o ke aupuni a o ka lehulehu hoi i kiola wale ia e ke komisina paka o Waikiki mamuli o ka hoomaemaeia ana o kekahi aina nui mauka o ka moana Alawai no ka hana ana i eha mau lua hou no ka paani kinipopo golf ana, a mahope o ka lilo ana o ia mau dala mahuahua pau iho la ka hoomaopopoia ana o ia aina a paa hou i ka nahelehele. Olelo pu ia mai mamuli o ka lilo ana o keia mau kaukani dala no keia hana oia ke kumu i hoopiiia ae ai o ke kaki maluna o ka poe paani golf ma ke kahua mua mai ka hapaha a i ka ekolu hapaha. Nui no ka ike o keia komisina i ke kiola dala o ka lehulehu.

O keia wale no anei na kaukani dala o ka lehulehu i lu waleia a i kiola wale ia? He manaoio ko keia wahaolelo he nui aku na kaukani dala mawaho ae o keia o ka lehulehu i kiola wale ia e na luna aupuni o kakou a o ka ike ole ia nalo ia mau kiola wale ana.