Ke Alakai o Hawaii, Volume III, Number 17, 27 August 1931 — KE KU MAI NEI KA HALALU MA KE AWA O HONOLULU [ARTICLE]

KE KU MAI NEI KA HALALU MA KE AWA O HONOLULU

He mau la i hala ae nei ke ku ana o ka halalu makai ae nei o na uwapo o kakou mamuli o ka noho mau ana o ka inoino ma ka moana, ua hoaia maila he kumu nui o na halalu no loko o ke awa nei, ua hele a nonanona ua mea he halalu. Ma ka auwina la o ka Poalima nei ua ike ia aku na uwapo ua hele a paa pu i na poe kamakoi mai ke 60 a hoea aku i ka 6 makahiki e nonoho ana ma na uwapo me na kamakoi. E loaa ana i ka mea hookahi o lakou mai ka eha haneri a hoea aku i ka ekolu haneri ka nui o ka iʻa O ka iʻa i ike mau ia o kona ku maloko o keia awa o ia no ke alalaua, he hoailona hoi no ka haule aku o kekahi o na ohanaalii, o keia hoi he halalu, aia no he nui wale o na pua alii o Hawaii nei ke ola mai nei, oiai hoi o ko kakou noho ana i keia wa aia malalo o ka nohoʻna makaainana pela no e loli ai ke ano o ka iʻa. O ke alapii o ka holomua oia no ka hoomakaulii ame ka pakiko. Hoohauoli iki mai no| na le'aleʻa he wahi manawa iki, aka, hoohauoli mai na buke no ka manawa mau loa.