Ke Alakai o Hawaii, Volume V, Number 42, 16 February 1933 — HOOMANAOIA KA LA HANAU O KA MOI LUNALILO [ARTICLE]

HOOMANAOIA KA LA HANAU O KA MOI LUNALILO

Ma ka Poalua, ka la 31 o lanuari aku la i hala, i hoomanao ae ai na hauman» o ke Kula Lunalilo, i ka Ia hanau e'ka moi nona ka inoa e o la maluna

. o ko lakou kula. * Hoko o na la i aui hope aku nei, he mau hana hookahakaha aniie na lealea ke malamaia ma na la hanau o na moi o Hawaii nei, aka iloko o keia au hou, he okoa loa na hana hoomanao. Oiai o ka Lunalilo Home kekahi wahi 1 kapaia ma ka inoa o ka moi, ka home o na hapauea Hawaii e hoohala ai i ko lakou mau la hope, malalo o ka ma!ama ana mai a ka waiwai o ka Mol Lunalilo, nolaila ua hoouna aku na htvumana o ke kula i ke- 1 kahi maū pahu o na meaai ame na pua/no ka pono o na hapauea o kela home, oiai hoi i hoomanao ae ai na haumana o ke kula 1 kela la, ma ka himeni ana i kekahi mau mele, ]>ela hoi me ka hoike āna i kekahi mau mool«?lo pokopoko 1 pili i ke ola a ia o ka Moi Lunalilo.