Ke Alakai o Hawaii, Volume V, Number 43, 23 February 1933 — PAA I KE HOUIA NO KA HOOPUKA I KE KIKOO DALA APUKA [ARTICLE]

PAA I KE HOUIA NO KA HOOPUKA I KE KIKOO DALA APUKA

No ka hoopuka ana i kekahi bila kikoo apuka, i kekahi haleaina ma ka Poakolu o ka pule aiku nei i hala, i paa ae ai o George Aki i ka hopuia ma ka iiapaiua o ka hora eiwa o ke kakahiaka o ka Lapule mai ma ke alanui Kanakanui. O ka makaikiu William Purtado ka mea nana i hopu ia Mr, Aki, a i kona laweia ana ae no ka halewai, i ae okoa ae ai oia no kona pili i ka hewa, o ia ka hoopuka ana i ka bila kikoo dala apuka, no ka huina o elima dala, i ka haleaina Hoffman, ma ke alanui Hokele, Ma ka oleloia, ua ae pu ae oia, no kona hoopuka ana i kekahi kikoo dala apuka hou ae, me ka lilo i hana ma ka aoao o na maka! ka huli hou ana aku i kekahi mau hana apaka i lawelaweia eia, maluna o kekahi poe.