Ke Alakai o Hawaii, Volume VI, Number 45, 15 March 1934 — KOMO KE KALANA E KOKUA I KE PEPEHI MAKIKA [ARTICLE]

KOMO KE KALANA E KOKUA I KE PEPEHI MAKIKA

Mamuli o ka nui loa o ka nahunahu o na manu liilii i na lala o ka papa lunakiai ahiki pono ole ia la'-ou ke lawelawe i ka lakou mau hana no ka pono o keia kalana, nolaila ua komo ae la lakou e alu pu me ka papa ola teritore ma ka hoao ana e luku ia mau manu liilii i kapaia he makika, ma ka haawi ana aku i kekahi mau niea e hiki ai ka hoouka kaua ana inaluna o ia mau manu liilii nui wale o ka ikaika e lanakila mau ai lakou ma na hoouka kaua ana ap.au oiai no nae he lehulehu no o lakou e make, aka mamuli o ka nui loa o na koa oloko o ko lakou mau pualikoa, hiki ole ke lanakila aku ko lakou mau enemi o lakou,