Ke Alakai o Hawaii, Volume VII, Number 1, 3 May 1934 — KUEIA KA HUI E KUE IA IAPANA Aole e Hui Ana o Pelekane Me Kekahi Auna Aku NOHO MALIE O AMELIKA IA TOKYO I PANE AE AI IA PELEKANIA NUI [ARTICLE]

KUEIA KA HUI E KUE IA IAPANA

Aole e Hui Ana o Pelekane Me Kekahi Auna Aku

NOHO MALIE O AMELIKA IA TOKYO I PANE AE AI IA PELEKANIA NUI

LADANA, Apr, 24.—0 ka hui o Amelika Huipuia ame Pelekane a i ole me kekahi o na aupuni e ae e kue ia Iapana no kana hana e papa ana i na aupuni e waiho malie ia Kina, ua kueia ia e Pelekane, wahi a ka mea i loheia mai i keia la. O ia ano hana ina no he uuku loa ia lapana, ua hoakakaia mai ia e kekahi mana Pelekane ua hala hu'loa ia mawaho o ka ninau. Ua hoakakaia ke kuahaua holookoa a lapana e kekahi mea mana Pelekane he kue maopopo loa ia i ka aelike a na mana-eiwa e pili ana i ke kokua ia Kina, aka ua oleloia aloe e lele ana o Pelekane mawaho o ke au. Kaliia Ka Pane TOKYO, Apr. 24.—I ke ku ana imua o ka Pelekane mau koi no ka hoomoakaka ia ae o ka Iapana olelo o Apelila 17 e pili ana i ka ka emepaea hana no Kina, kali iho la o Tokyo ina paha e hahai ana o Amellka Huipuia i ka hana noho malie A ka Anglo-Amelika O ki Pelekane mau koi, i loaa ole aku i ke keena o ko na aina e oiai no nae ua haiia aku na luna aupuni no ia mau mea e na nupepa, haawiia aku la ia i ke kuhina o ko na aina e i ka hana o ka hoakaka ana i kana hana ma ke ano e hoomalielie ai i ko Pelekane hoohuoi ana a ia wa hookahi alo iho la i ka hoihoi hou ihope i ka mea ano nui o kela olelo.

Ua manaoioia o ka hoihoi ana he mea e ulu makawalu mai o na hoohalahala iloko o Iapana. Noho Malie o Phillips WAKINEKONA, Apr. 24. —He mau hiohiona ikaika i keia la he manao ko Amelika Iluipuia, o ka haahaa loa no keia wa, e noho ekemu ole a e nana wale aku no i na mea e hanaia mai ana.