Ke Alakai o Hawaii, Volume VII, Number 1, 3 May 1934 — MAIKAI KA HOOMAKA ANA A KIAAINA JOSEPH B. POINDEXTER [ARTICLE]

MAIKAI KA HOOMAKA ANA A KIAAINA JOSEPH B. POINDEXTER

0 kekahi o na hana mua loa a Kiaaina Poseph B, Poindexter i hana ai i kona pii aua ae Ilona o ka noho kiaaina o Hawaii nei, o ia kona noii ana i ka mea e pili ana i ka helu ame ka oha ana o ka auhau o poe oloko nei o ko kakou Teritore, a o ka hopena o ia noii ana ana, hookohu iho la oia i komisina me na lala lehulehu nana e noii hou aku i na mea e pili ana i keia mea, a waiho aku imua ona i ka lakou mau mea i loaa me ko lakou mau manao pu no ka hooi loa ana ae i ke kaulike ame ka maikai o ka lawelaweia ana o na hana helu a ohi auhau e ka poe na lakou e lawelawe ana ia mau apana hana no ka pono o ke aupuni. I ka nooit aan o ke kiaaina i ka mea e poli ana i keia mau mea, ua hoopukaia mai na manao iloko o na nupepa namu o ke kulanakauhale nei, e i ana, ua mahalo ole ke kiaaina i na lawelawe hana ana a ke keena auhau i lawelawe ai maluna o keia mau mea, nolaila kona makemake e koho i komisina nana e hoomau aku i ka noii ana i keia mau mea a waiho mai i kana hoike i ka wa e pau ai kana noii ana, me ka waiho pu aku i na mea wale no i loaa ia lakou ma ka lakou noii ana, i na mea kekahi i ulu ae iloko o ko lakou maii noonoo e hooponoponoia ai na lawelawe hana ana maloko o ke keena auhau maluna o na helu ame ka ohi ana i na auhau. E kala i makemake ai o Kiaaina Joseph B. Poindexter e hookohu i na lala o keia komisina, aka manuli o ka loaa koke ole ana o ka ae o ka poe apau i makemakeia e hookohu i mau lala no kela komisina, pela i haawi mua ole ai ke kiaaina i na hookohu o keia poe; aka mahope o ka hala ana aku nei o ke kiaaina ma kana hua kai no Wakinekona, ua loaa mai la ka ae o na mea i koe i loaa mua ole mai na ae mamua o ka haalele ana iho o ke kiaaina ia Hawaii nei, nolaila, ua hoolahaia mai na inoa o keia poe ma na nupepa namu o kela mau la aku la, a o Lunamakaainana Borthwick ka lunahoomalu o ua komisina la.