Ke Alakai o Hawaii, Volume VII, Number 1, 3 May 1934 — KUE KA NUPEPA NAMU PUKA KAKAHIAKA AWALAKAIKA I KA HOOKOHUIA O ELUA MAI KA HALE HANA HOOKAHI [ARTICLE]

KUE KA NUPEPA NAMU PUKA KAKAHIAKA AWALAKAIKA I KA HOOKOHUIA O ELUA MAI KA HALE HANA HOOKAHI

Ma kekahi manao kaka o ka nupepa namu puka kakahiaka Awalakaika o ka Lapule, Apelila 28 aku nei i hoopukaia mai ai kekahi manao e kue ana ia Meia Wright no kona hoike ana i kona manao i kekahi manawa koke aku nei i hala e olelo ana, e hookohu ana oia ia Jacob Ordenstein o ka Hui Hoolewa o Silva i pani ma kahi o Lunakiai Cain e waiho mai ai i kona wa e lawe ai i ke ku-

lana Luna o Na Hana Hou no keia Teritore i ka wa e pau ai o ko Lunanui Bigelow e noho nei i keia wa i Okakopa aw nei, ke waiho ole mai oia i ke kulana mamua ae o ia manawa. Wahi a kela nupepa i hoike mai ai, he kue kona i ka hookohuia o elua lunakiai mai ka hale oihana hookahi mai, oiai no ka hale hoolewa like mai no laua o Silva. Aole keia he mau kanaka kamalii e manaoia aku ai e hana ana laua i ka hana pono ole, aka he mau kanaka noonoo maikai like no laua a elua e kanalua ole nei keia wahaolelo i ka pony ame ke kaulike aku o ka laua lawelawe oihana ana ke noho like aku laua i mau hoa no ka papa lunakiai o keia kalana, a oiai hoi he may wahi la helu wale aku no a Mr. Silva e noho ai ma kela kulana a o ke koho baloka hou no ia, ua hiki no i ka lehulehu, ina e manao ana na kanaka, ua pono ole ka lilo ana o keia mau kanaka mai ka hale oihana hookahi mai i mau hoa no ka papa lunakiai, ua hiki loa ia lakou ke kapae i ke koho ana i kekahi o laua. Ma ka mea e ikeia aku nei, aia i ka mahina o Okakopa e waiho ai o Lunakiai Cain i kona kulans lunakiai no keia kalana, a i no la mua no o ia mahina e koho wae moho ai, a ina he kupono ole i ka manao o ka lehulehu ka noho like mai o keia mau keonimana i mau hoa no ka papa lunakiai, ua hiki ia lakou ke kapae i ke koho ana i kekahi o laua mai kulana ae.