Ke Alakai o Hawaii, Volume VII, Number 1, 3 May 1934 — KA HOIKE O KA HIHIA O ALA MOANA [ARTICLE]

KA HOIKE O KA HIHIA O ALA MOANA

N. Ua hele anei oe iwaho o ke Alanui Ala Moana i ka po Poaono mawaena o na hola eono p. m. a i ole i kekahi mauawa o kela po ahiki i ka hola 3 a. m. o kekahi kakahiaka ae? H. Aole. N. Aole oe i hele iki ma kekahi aoao? H. Aole. N. Heaha ko lole e komo ana? H. Like no me keia (e kuhikuhi ana) kamaa ulaula, lole wawae omaomao, palule kilika keokeo. N. Heaha ko Shorty lole e aahu ana? H. Aole au i ike heaha kona lole e aahu ana. N, He lolewawae no paha kekahi ona, aole anei? H. Ae, he lolewawae no kekahi ona e komo ana aka aole au i ike i ke ano. N. Ua ike anei oe he kuka kekahi ona e komo ana aole paha? H. Aole au i ike. O Joseph Kahahawai, kekahi o ka poe i hoopiiia (ua make i keia wa) ma kana hoike ia Inspector Makinikoki, i Sepatemapa 13, 1931, (malaila o Hope Loio Kalana Wight) olelo mai oia, he hapa: N. Owai koloko o ke kaa? H. I kinohi lawe makou i kekahi Chang. N. Owai koloko o ke kaa? H. O Jack, Ida, Henry Chang ame kekahi Chang aku, aka hoihoi makou i kekahi Chang i ka hale no ka mea ua hoi oia.

N. Ua inu nui paha o lda? H. Aole, aole au i ike iaia e inu ana. N. Pehea oe i ike ai aole oia i inu,ina aole oe i ike iaia? H. Ike au iaia i kahi o Correa. Aole au i ike ina ua inu oia. O ka'u mea wale no i ike ua puka mai oia a ninau mai ia'u ina au e komo ana e hulahula nolaila hoihoi makou 1 kekahi Chang i ka hale mua. Haalele makou iaia ma ke Alanui Papu mawaena o na Alanui Kula ame Winia, alaila hele makou i ka hulahula a halawai makou me Ben Ahakuelo ame Jack a mailaila aku hoi makou i kahi o S. P. Correa.

N. Ia oukou i hiki ai i ka hulahula 0 ka hola ehia kela H. Ma kahi o ka hola 10: 30. N. Mamua o ka pau ana o ka hulahula hiki oukou ilaila? H. Ae. N. Ua hele anei kekahi poe iloko o ka hulahula? H. Komo makou apau iloko. N. Ehia oukou i hele iloko i ka hall hulahula? H. Ekolu. N. Owai kela ekolu? H. Owau, o Ida ame Chang. N. Komo oukou apau ekolu iloko o ka hall hulahula? H. Ae. N. Owai ka poe i loaa ia oukou malaila? H. Iloko olaila loaa ia makou o Ben ahakuelo ame N. Aole i hele o Ida i kahi e? H. Aole.