Ke Alakai o Hawaii, Volume VII, Number 1, 3 May 1934 — HE MAU WAHI A'O POKOLE E HEWA OLE AI NA MAKUAHINE HANAU A HANAI KEIKI KE LAWE A MALAMA [ARTICLE]

HE MAU WAHI A'O POKOLE E HEWA OLE AI NA MAKUAHINE HANAU A HANAI KEIKI KE LAWE A MALAMA

Ka Malama Ana i Ka Pepe E holoi mau i ke kaiapa i na la apau me ke kopa palupalu keokeo, a he maikai ina a hiki ke pailaia iloko o ka wai no kekahi mau minuke me ke kopa iloko o ka wai, a uwi aku elua manawa iloko o ka wai huihui a kaulai i ka la, aole malalo o ka malumalu a hale pake, no ka mea he make na anoano ma'i i ka ikaika o ka la, aka ina e kaulaiia na kaiapa iloko o ka malu, aole e loaa ana ka pomaikai a ka la. Koe wale no ina he la ua, aole e hiki ke alo ae. Aole e bolu i ke kaiapa, aole no hoi e holoi la me ka kopa ikaika. Ka Ai e Hanai Ai i Ka Pepe Na Makahiki Mua Elua o ka mea maikai loa a ka makuahine e hana ai o ia ka hanai maoli ana no i kana pepe me kona waiu ponai. Ua hanaia ka walu o ka makuahine a kupono no kana pepe, ina nae he ai ole ka makuahine i na mea ino, elike me ka paka ame ka lama. Ua hanaia ka waiu a ka pipi no ke keiki pipi, a o ka waiu kao hoi no ke keiki kao. Aole ai e ae ilike ke kupono no ka pepe a ke kanaka elike me ka waiu o ka makuahine. O ka pepe hanaia me ka waiu o ka makuahine, o ka hapanui o lakou e nunui ae ana mamua o na pepe hanaiia i na waiu e ae a peia no hoi me ka ikaika, a koe wale no ina he ai ka makuahine i na mea kupono ole a i ole he lawa ole paha o ke meaai kupono iaia e ai ai. He kakaikahi ka loaa o na pepe hanaiia i ka waiu o ka makuahine ai i na (illegible) eaai maikai i ka ma'i, a ina e loaa i ka ma'i, e hikiwawe ana ke ola, ke kupono ke meaai ana e ai ai.

E hanai i ka pepe i ka wa maamau, o ia hoi aole e hanai i kela ame keia wa ana e uwe ai, aole no hoi i na wa apau ana e ala ae ai o ka po. E hoomaamaa i wa maamau nona e ai ai a e hoomau pela. Ina e hiamoe ana ka pepe i ka wa ona e pono ai e hanaia, e hoala iaia a hanai aku. No ka pepe hanau hou, e pono e hanai i kela ame keia ekolu hoia, a piha na mahina elua a ekolu, e hanai i kela ame keia eha hola, aka ina ua pul ae ke kino o ka pepe iloko o na mahina elua a ekolu me ka ikaika, aole e pono e hanai iaia mawaena o ka hola 10 ame ka hoia eono o ke kakahiaka. O ka hiamoe maikai ana o ka pepe i kela mau hola he umi he mean maikai loa la nona a no ka makuahine.

He umi minuke e hanai ai i ka pepe ikaika maikai ua Iawa ia. Aole e poono ia ano pepe e minoinoi i ka walu a oi aku mamua o 15 minuke. Aole pono e hookuu iaia e hiamoe olai e omo ana i ka waiu. E hookaawale i ka pepe mai ka o ka waiu aku. E ka-

ili mau i ka maka o ka waiu mai ka pepe i ka wa e hanaiia ai he mau manawa i kela ame keia hanai ana i loaa iaia he wa hoomaha. E hoonee i ka umauma mai ka pepe aku me ka akahele alaila hoonee i ka pepe mai ka maka mai o ka waiu me ke akahele loa. Mahope o ka pau ana o ana ai ana, e hookau malie iaia maluna o ka poohiwi me ka hili ana o kona alo ilalo i hemo mai ai ka makani ame ka waiu paa mailoko mai o kona opu. Ma keia hana ana aole oiai e luai pinepine mai i ka walu paa.

Mahope o kela ame keia hanai ana i ka pepe, e holai ka makuahinei ka maka o ka walu me ke akahele me ka pulupulu o ka halekuai laau i ho-uia iloko o ka wai i pailaia, aole wai mehana wale no, aka me ka wai i pailaia a i ole me ka wai i hoo- kuluia ka boracic acid iloko o (ia hoi, hookahi puna o ka boracic acid iloko o hookahi paina wai i pailaia, alaila hoomaloo me ke akahele. O ka maikai e hanai i ka pepe mai ka waiu hookahi wale mai no i ka hanai hookahi ana, a i kekahi hanai ana aku haawi iaia i kekahi maka. Ina aole i lawa ka pepe, o ia hoi ina aole i lawa pono ka waiu i loaa iaia mai ka maka hookahi aku, alaila e haawi aku i ka lua o ka maka iaia, aole nae e haawii iaia i ka lua o ka make ina ua Iawa no oia i ka waiu i ka maka mua, a he ono waiu wale no kona makemake hou ana mai i ka waiu. E hiki no ka maopopo ka nui o ka waiu i loaa i ka pepe i ka hanai hookahi ana ma ke kaupaona ana iaia mamua a mahope o ka ai ana no kekahi mau la. O ka like ole mawaena o ke kaumaha mamua e ka hanai ana ame ke kaumaha mahope o ka hanai ana, o ia ke kaumaha o ka waiu i loaa i ka pepe i ka hanai ana. Aole make wehe i ka lole o ka pepe no keia kaupaona ana. He pono no hoi ke ninau i ke kauka ohana ina paha ua lawa ka waiu e hanaiia ana i ka pepe aole pahe. Ka Ukuhi Ana He mea maiika ka ui i ke kauka i keia mea. Aole pono e ukuhiia ka pepe mamua o ka piha ana iaia eono mahina, koe wale no no kekahi kumu kupono. Ina he kauka ohana kekahi e pono nana e ao mai i ka wa kupono e ukuhi ai i ka pepe. Ina aole he kauka ohana kekahi, alaila na kekahi kauka i hilinaiia i ao mai ia mea, a i ole e noonoo no me ka akahele a hana aku elike me ke mea e hooholoia ana no ka pono e ka pepe ame ka makuahine. Oi aku ka maikai ina e hoopauia ka hanai ana i ka pepe i ka waiu ke piha iaia na mahina eiwa. Mai ikuhi i ka pepe i ke kau wela ina ia he mea hiki ke aloia. E pono e hana liiliiia ka ukuhi ana, ma ka haawi ana iaia i waiu iloko o ka omole no ka hanai i ka la a pela no kekahi mau la alaila haawi aku ana i elua omole waiu. E hoomakaukau i ka omole elike me ke ao a kou kauka a ina aole he kauka alaila e ninau i ka poe i ike, a ina aole he poe o ia ano e loaa ia oe, alaila e hana elike me ka kou noonoo akahele ana e ao mai ai ia oe, a e makaala e nana ina aole e luai mai ka pepe i ka ai hou a pela hoi i kona hanalepo, ame kona kaumaha.