Ke Alakai o Hawaii, Volume VII, Number 1, 3 May 1934 — HAMAU O U. S. NO KA MEA PILI I NA HANA PONOKAUA [ARTICLE]

HAMAU O U. S. NO KA MEA PILI I NA HANA PONOKAUA

WAKINEKONA, Apr. 28. —Aole e haawi ana o Amelika Huipuia i kekahi mau manao e pili ana i na kukai kamailio ana e lawelaweia aku ana ma keia mau la iloko o Europe, wahi a ka mea i ikeia i keia po mahope o ka halawai o elua hola i malamaia ma ka Hale Keokeo mawaena o Peresidena Roosevelt, Kakuolelo Mokuai- na Hull ame Norman Davis, ka Roosevelt kuhina mana nui kaahele. Hoike mai la o Davis i ka manaolana no ko Europa hana aku i ka mea e pono ai na mea pili i ka hoopau mea kaua no kona pono iho. 'Eia noe, no ka mea e pili ana i kakou aia no ia Europa ke kuleana e hooholo ina paha he makemake ia i ka hoopau meakaua aole paha, "wahi ana i olelo mai ai. Olelo mai na o Davis ua makaukau oia e noi i Geneva ina e malamaia ana ka halawai i hoolalaia e malamaia ana i Mei 29.