Ke Alakai o Hawaii, Volume VII, Number 1, 3 May 1934 — KIIA NA PAAHAO MAHUKA I KA PU O Na Poka Ka Mea Nana i Hoopau Ka Mahuka HULI NA PAAHAO E KI PU I KE KAUOHAIA ANA AKU E KU IHO [ARTICLE]

KIIA NA PAAHAO MAHUKA I KA PU

O Na Poka Ka Mea Nana i Hoopau Ka Mahuka

HULI NA PAAHAO E KI PU I KE KAUOHAIA ANA AKU E KU IHO

SAN BERNADINO, Kaleponi, Apr. 27.—O ka pololei o ke ki poka hala ole ana a Stanley Snedeger, ka hope makainui, ikeia po, pau iho la ka mahuka ana mai ka halepaahao aku i keia po o elua mau paahao, na mea i holo a hala ka hapalua o ka mokuaina o Kaleponi i ka mahuka ana mai San Quentin aku.

Ua make o Wande Stewart ka mea i hoopa'iia e paahao apau ke ola no ka powa, ame Walter Wyeth, ka mea i ahewaia no ke apuka, i ua loaa ana aku, i keia po, na maka o ka pu laipela iloko o ka lima o Snedeger, ka mea i halawai me kela mau kanaka elua ma ke alaloa ma kahi e kokoke ana ianei. I kona kauoha ana ia laua e ku hoomaka mai na paahao e ki i ka pu a hoomaka pu 'aku la no hoi o Snedeger e ki i kana pu me ka hala ole. Hookuuia Na Makai

He mau hola mamua aku hookuu na paahao me ka poino ole i na makai elua, ia Phil Licornes ame R. G. Dewey, na mea a laua i hopu ai a paa ai i mau pio a oi aku mamua o 24hola mahope o ko laua mahuka ana mai San Quentin aku.

Mahope koke iho o ka hookuuia ana o na makai, hoike mai la he kanaka oihana kalepa no kekahi mau kanaka i kulike loa me na hoakaka o Stemart ame Wyeth i paa iaia a aihue i kana waiwai mawaho o na palena o ke kulanakauhale. SAN QUENTIN, Apr. 27. —He huli ana o 24 hola apuni ka mokuaina o Kaleponi hiki ole iho la ke loaa na meheu i keia po o na paahao elua i mahuka ai mai ka halepaahao mai o San Quentin mai, a lawe pia ai elua mau makai a holo iloko o kekahi okomopile. Mahuka o Wande Stewart ame Walter Wyeth i nehinei oiai e hana ana mawaho o na paia o ka pa halepaahao. Lanakila laua maluna o ka makai kiai e holoholo ana o Phil Lecorrec ame R. G.