Ke Alakai o Hawaii, Volume VII, Number 1, 3 May 1934 — UA HIKI I NA PILIPINO KE NOHO ILOKO O AMELIKA [ARTICLE]

UA HIKI I NA PILIPINO KE NOHO ILOKO O AMELIKA

WAKINEKONA, Apr. 27. —Hai ae la o Pedro Guevara, ke kuhina noho ma Wakinekona i ka nupepa United Press i keia Ia o na Pilipino apau e noho nei iloko o Amelika e hooiaia ana ko lakou kulana o keia wa a e hiki ana ia lakou ke noho ahiki i ka pau o ko lakou ola ana ma Amelika malalo o na hooponopono ana i manaoia e ke kuokoa o Pilipine.

E hiki i na Pilipino ke komo iloko o Amelika, wahi ana i olelo mai ai, ke hoea nae lakou ma ka palena mamua o ke apono ana mai o ka ahaolelo o Pilipine i ke Kanawai Kuokoa a McDuffieTydings.

Lilo Ke Kuleana O na Pilipino i noho ma Amelika Huipuia i haalele a hoi mahope o ke apono ana o ka ahaolelo Pilipine i ke kanawai kuokoa e lawe ana lakou i ke kulana pakalaki o ke ke'ake'aia mai ke komo hou ana iloko o Amelika Huipuia no lea mea o ka heluna ae waleia no o ka makahiki e komo ai iloko o Amelika Huipuia he kanalima. wale no, wahi a Guevara i hoakaka mai ai.