Ke Alakai o Hawaii, Volume VII, Number 1, 3 May 1934 — E PII ANA KA AUHAU OLOKO O NA KALANA APAU Ko Keia Kalana, o Na Ka Ko Keia Kalana, o Na Kalana Mawaho Ka Oi [ARTICLE]

E PII ANA KA AUHAU OLOKO O NA KALANA APAU

Ko Keia Kalana, o Na Ka Ko Keia Kalana, o Na Kalana Mawaho Ka Oi

Hoikeia mai la ka mea e pili ana i ka pii aku o na auhau o na kalana apau no keia makahiki, i kela la aku la e ka Puuku Teritore E. S. Smith, o ka hopena hoi o ka pii ae o na hoolilo o na kalana pakahi o kakou. Maluna o ke kahua waiwaiio o $111,000,000 no na waiwai paa o keia kalana o Honolulu nei, I hookukuia me ka makahiki i hala ma kahi o $112,000,000 i ka 1933, koho iho la o Mr. Smith o ka pakeneka auhau ana o keia makahiki ma kahi ana ia o $29.73 no ke kaukani hookahi, e hookuku aku ai me $28.87 o ka 1933, he pii ae o 86 keneka. O ka pakeneka o Oahu nei ke kauia aole ia e hiki ke hoopii houia no na makahiki ekolu e nee mai ana. Oi ae ka pii ana o na auhau o na mokupuni o Maui, Hawaii ame Kauai mamua o ko ka makahiki i hala. Eia ka Mr. Smith i kolio ai no Maui; he $41.18 no ke kaukani hookahi, oiai nae he $36.33 ko kela makahiki, he pii ae o $4.85 i ko kela makahiki aku la. No Hawaii hoi, olelo mai o Mr. Smith he $46.24 ana ko keia makahiki oiai nae he $40.08 wale no ko Kela makahiki aku la.

O ka pakeneka i kohoia no ka mokupuni o Kauai, he $30.34 ana ia piai no nae he $24.87 wale no ko keia makahiki i hala, he pii ae o $5. 47.

O ka hoomaka hou aku la no paha ia o ka pii hou ae o na auhau o ka poe elike me ia e ikeia ae la! Auwe no ka hoi ka pilikia e!