Ke Alakai o Hawaii, Volume VIII, Number 22, 26 September 1935 — ELUA MAU KEIKIMAHINE SAMOA HULI HANA MALUNA O KA MOKU POINO SETH PARKER I HIKI MAI AI [ARTICLE]

ELUA MAU KEIKIMAHINE SAMOA HULI HANA

MALUNA O KA MOKU POINO SETH PARKER I HIKI MAI AI

T ke ku ana m'ai o ka moku kalepa poino Seth Parker i kela hebedoma aku nei, i koloia mai ai no ioko nei o ke awa o Honolulu, o kfekahi mau luina i hiki mai maluna ona ma ke ano kuene, he mau keikimahine Samoa kino ikaika a lawakua, ho laua na inoa o Masani Natiso ame Masele Peleti.

I ka pili ana mai o ua moku kalepa la no ka uwapo, a mahope iho o na hoomaemae ana a na mea apau o ka moku, aia hoi, ua maemae pu iho la jne keia niau keikimahine, a ua laweia aku la laua'no ka hooholoholo ana ma na alanui a ma na wahi e ae no hoi o Honolulu nei.

Maluna o ko laua kaa otomobile i lawe ia aku ai t aia kō laua mau maka nunui e moni ana i na mea apau a laua e ike ana ke kulana-

kauhale nei, a e kamailio ana laua ia laua iho i ka like loa q keia mau mea a laua e ike nei me na moolelo maloko o na buke a laua i ike ai; i ke kaalo ana ae o ko laua kaa ma ke alo o ka hale kalanā

ma alanui Moi, pane ae ia o Masani: "Like loa keia ano hale me ka hale maloko o na buke, na hale kakela."

Ma na alanui o ke kulanakauhale, aia hoi, e puliki paa ana laua i ka aoao o ke kaa, a i ko laua ninau ia ana aku, ua olelo mai la laua: "Ota no paha ka mea i hui ai ka make ma keia aina," wahi a Masele, "Ma Samoa, aole he poe i hooku'i ia e ke kaa, no ka mea, he 20 wale no kaa otomobila."

I ko laua ninau ia ana aku i ke kumu o ko laua holo ana mai ma ke ano kuene, aia hoi, minoaka mua iho la laua a pane mai la: "O ka manawa kupono wale no keia e kaawale mai ai mai Samoa mai, o ka makou hana wale no i ka la a po ka ulana moena, alaila, noho no hoi e ai, a iele no hoi i.ke kula i kekahi manawa. Ma Samoa, ina aole makou e hele i ke kula, alaila, e hoomare ia no makou i ke kane, nolaila, hooholo iho la maua e liolo mai."

"Alaila, heaha ka i manao ai e hana ma keia mua aku?" i ninau ia aku ai laua, "Makemake maua e huli hana, ina aole e loaa ka maua hana, alaila, e huli no paha maua i kahe, i pono ai ka noho ana!"