Ke Alakai o Hawaii, Volume VIII, Number 22, 26 September 1935 — UA AHEWA MAI LA KE KAHUNAPULE I KA LOIO AUPUNI ODOM [ARTICLE]

UA AHEWA MAI LA KE KAHUNAPULE I KA LOIO AUPUNI ODOM

Me ka leo nui o ua kahunapule hi i kukala ae ai maloko o ka lumi e noho ana o ka aha kolonelo:

"Ke kapa nei au i kā loio aupuni Oeiom, oia kekahi lala o kela ahahui i hoolala ai e pepehi i ka Senatoa Huey P. Long," mahope iho o kona lawe ana i ka hoohiki. "Ke hoole nei au ika pane ana 1 kana mau ninau!" Na keia naau huaolelo a ka hoike, i pa'ipa'i mai ai ke anaina iaia, ālaila, ku-ae la ua kahunapule la a haalele aku la i ka noho o ka hoike a puka loa no waho mai ka lumi aku.

"Aole au i hoolala no ka make ana o Senatoa Long," wahi a ka loio aupuni i paYie mai ai imua o na kiure kolonelo mamua o ko lakou hookuu ia ana aku no loko o kekahi lumi e noonoo ai no ka lakou olelo hooholo. ''He mea haahaa loa ke kapa ana aku i kekahi hoike he hoopunipuni inoino loa me ka loaa ole iaia o kekahi kumu e hiki ai ke hooiaio i kana mau olelo."

Aia he mau olelo he nui wale mahope o keia mau oleIo a keia kahunapule Smith, a e olelo ana ia, aole e moe ana kona mau maka a hiki mai i ka wa e hooiaioia ai o kana mau olelo.