Ke Alakai o Hawaii, Volume VIII, Number 37, 23 January 1936 — NOI NA POE O KAHALA E AE IA I KAA BUS NO LAKOU HUI O ROSECRANS AME KAA UWILIA E KUE I KEKAHI HUI HOU [ARTICLE]

NOI NA POE O KAHALA E AE IA I KAA BUS NO LAKOU

HUI O ROSECRANS AME KAA UWILIA E KUE I KEKAHI HUI HOU

Ua hiki aku kekahi mea imua o ke Koraite o ka Lehulehu. (Utility Commissiou), i kakoo ia e 3,000 poe i kakaulnoa i kekahi palapala noi e apono ana i ke kokua ana i ke noi a Mr. Alfred X. Afat, e loaa iaia i I laikini e hooholo ai i kona mau kaa bus ma ka apana o Kahala a hiki aku i Kapalama. ' Eiike me na hoike a Afat, ua makaukaū oia me kekahi mau kaa bus e hooholo aku ai no ka halihali ohua ana mai ka lae mai o Black Point, ma na alanui mai o ka apana aina o Kahala ame Isenberg a hiki aku ma Kaimuki, oia hoi ma ke alanui 0 Waialae, a mai Waialae mai a Kapalama. Maloko o kana palapala noi, e hoike ana ia ua makaukau oia me eha mau kaa bus no ka halihali ohua ana, a e hoakaka pu ana hoi, ua hiki iaia ke hoomahuahua ae 1 ka nui o na kaa bus a hiki i ka 12, ina e makemake ia ana elike me ka ulu ana o na kanaka e noho ana ma keia aina. I HeMau Kue No Kekahi Ua ike he mau ana kekahi a kekahi maui hui e ae, no ka mea, e hiki aku ana malaila ka loio J.| Garner Anthony, o ka huij loio o Robinson ame Kakela, na ioio no ka hui Kaa Uwila |o Honolulu nei, ame Fred r Petterson, loio no ka hui kaa io RosecranM, Ltd., e hiki aku ana iaua no ke kue ana i-ke-i ia noi a Mr. Afat, ame kej kue pu ana aku i ke Komite Lehulehu i ka hoopuka ana i laikini ia Afat. Aole wale no o ka hui Kaa Uwila ame Roseerans, Ltd., e hiki aku ana laua no ke kue ana i keia noi a Mr. Afat, ame ke kue pu ana aku i ke Komite Lehulehu i ka hoopuka ana i laikini ia Afat.

Aole wale no o ka'hui Kaa Uwila ame Rosecrans ke kue nei i keia noi a Afat, aka, he poe ona kaa e ae no kekahi e makemake ana e hooholo kaa bus aku ma Kahala ame Kaimuki, no ke kulanakauhale nei a hiki loa aku no Kapala ma. — O keia palapala noi a Al'al, ua hiki mai la ia i ka manawa maikai loa e hooko ia ai ka makemake o ka poe e noho ana.-ma keia aina o Kahala no kekahi mau makahiki aenei i hala, no ka mea, he elima a eono wale. aunei no makāhiki i hala, he huina heiu wale no o elua a' ekolu haneri na poe kamaaina e noho ana maluna o keia aina; aka, ma ia mau makahiki mahope mai, ua hoomaka hikiwawe loa ka ulu ana o ka poe noho ma Kahala, a i keia la, o ka nui o ka poe i kakauinoa i ka palapala noi i ke Komite Lehulehu e hoopukaia i laikini ia Mr. Afat ua piha aku ia i ka huina o 3,000. He mau makahiki aenei i hala, ua nonoi mua aku no na kamaaina o Kahala i ka Hui Kaa Uwila, e hooholo ia mai i mau kaa bus no lakou ma Kahala, aka, ua hoomaopopo ole ia aku ka lakou noi mamuli o ka lilo loa o ka hui Kaa Uwila i ka hana hoomoe alahao ma na alanui o Waialae.