Ke Alakai o Hawaii, Volume VIII, Number 41, 20 February 1936 — HOU IA I KA PAHI A MAKE LOA KAKIANA MAKAIKIU HENRY CHILLINGSWORTH KA I MAKE MAI KA PAHI MAI A TEODORE DOMRIQUE HE FILIPINO [ARTICLE]

HOU IA I KA PAHI A MAKE LOA

KAKIANA MAKAIKIU HENRY CHILLINGSWORTH KA I MAKE

MAI KA PAHI MAI A TEODORE DOMRIQUE HE FILIPINO

I ka po Poalua aku nei, mawaena o ka hora 7 ame ka hora 8, i pahu ia iho ai o Henry Chillingsworth, he kakiana no ka puali makai kiu o ke kulanakauhale nei me ka pahi, e kekahi filipino i mahuka mai mai ka haukipila mai o Kaneohe, ma ka inoa o Teodore Domrique. I ka loaa ana mai o keia lono i ke keena oihana makai. aia hoi, ua haawi ia ae la ke kauoha laula i ka oihana makāi holookoa o ke kalana o Honolulu nei, e komo mai i ka huli ana i keia. kanaka hou pahi, a e kuekaa hoi i na iniha apau o ke fcnlanakauhale o Honolulu nel, Iloko o elua hora mahope mai, aia hoi, ua paa iho la ua Teodore Domrique la i ka hopuia ma ka hotete Bronx e na makai kiu Ēu T gene Kennedy ame Wīlliam Amdng. Ua hoomaopopo koke aku la no na makai ia Domrique ia laua i ike aku, ai iaia, no ka mea. ua mahuka mui oīa niai ka liauV.:'pila mai o Kaneohe I Ka la I aku nei o lanuari o keia makahiki 1936. Ua ninaninaii ia oia i keia

iWanaao holookoa a hiki wal le no i ka puka ana mai o ka i la, aole oia i ae mai i kona ihewa. | Ua ike aku o Chillings|worth ia Domrique ma ka ihaleai'na o Asahi mawaho laenei o Kaimuki. Ua hoomaopopo aku la o Chillings-: worth o ke. kanaka filipino ne keia i mahuka mai mai ka haukipila mai o Kaneohe malaila oia i hoouna ia aku ai mahope iho o kona hoopa'i ia ana he 20 makahiki no ka hewa wawahi hale ma ke degere ekahi. Ia ChiUingsworth i hopu aku ai iaia o kona hoomaka aku la no ia e holo mai ka makai aku. - Ua hoomaka aku la o Chillingsworth e alualu mahope aku o keia filipino, a mamuli mai no hoi o kona ano onawaliwali' ame kona lawe ole ana me kekahi pu, ua loaa koke ole aku kana paahao iaia. Mahope iho o ka hora 7 o ke ahiahi, ua loaa aku la ua kanaka filipino la iaia mahope o ka home o Harry T. Lake, kekahi o na kanaka makai kahiko o ka oihana makai, ma ke alanui 12 ma Kaimuki. Mahope oka pahale o Mr. Lake i haule-a-make aku ai o Chillingsworth. Pahuia Oia Me Ka Pahi Ma Kona Umauma Ua komo aku ka pahi a ka mea pepehikanaka" fna ka a-i mai o ka makai a iho mai la ilalo o ka aoao hemaj 0 ka umauma a hiki loa iho ma kona opu. I kona hopu ia ana i loaa ' aku ai i na makai e hoolimalima ana oia i rumi nona e noho ai no ua po holookoa ala. Ma ka moolelo a na poe i ikemaka, i ko lakou ike ana 1 ka makai e alualu ana mahope aku o ua filipino la, a nolaila, hahai mai la he ekolu mau kanaka okoa aku, a i ka hiki ana mai ma ka home o Harry T. Lake, i komo aku ai ua filipino la maloko a hele loā aku la mahope o ka hale, a ia wa no i komo pu aku ai me Chillmgsworth, alaila, lohe aku la lakou i ke aumeume ana a keia mau kanaka a elua; i ke komo ana aku a keia poe kanaka ekolu, aia hoi, e puka mai ana o Chillingsworth a e hikaka ana me ke kihe'ahe'a ana o ke koko maluna o kona aahu, a no umi kapuai mai a lakou aku i haule iho ai oia no lalo o ka honua. Ua paa mai ua fi!ipino la i ka hope ia, a eia oia maloko o na keena paahao o ka halepaahao ma alanui Kalepa ame Betela.