Ke Alakai o Hawaii, Volume VIII, Number 42, 27 February 1936 — E HOLO ANA O SENATOA KNOX I PERESIDENA HOOLAHA AE LA OIA I KONA MANAO HOLO [ARTICLE]

E HOLO ANA O SENATOA KNOX I PERESIDENA

HOOLAHA AE LA OIA I KONA MANAO HOLO

BOSETONA, Feb. 12.— 0 na moho a ka aoao Repubalika, e holo ana no ka noho Percsidena, a e kue ana ia Rusavela, ua wehe ia ae la ia a hamama i keia la e Konela Frank Knox, ke kanaka nana ka Nupepa Chicago News Daiiy, iaia i hoolaha ae ai i kona manao e holo ana oia no ke kulana Peresidena o Amenka Hnipuia, ma ka aoao Repubalika. Aole. i .hoopihoihoi ia ka manao o ka lehulehu n® keia hoolaha ana ae la a Konela Knox i kona manao holo Peresidena, eia no nae, aole oia i hoike mua ae i kona manao. Ma na kalai manao ana i hoolaha mau ae ai maloko o kana nupepa e hoike ana no ia i kona kue ana ia Senatoa Borah ame ka inoa Kiaaina Alf Landon o Kansas, aole nae i lohe ia kona kue ana i ke Kiaaina a hiki - ,ma i keia manawa. Ke hilinai nei nae na hoalohs o ke Kiaaina, e hiki mai ana oia no ka hoike ana ae 1 kona manao holo no ka Peresidena, no ka mea, he nui loa kona mau hoaloha ame na hoaloha o kona mau hoaloha; a maloko o ka aha elele e noho mai ana, ka hapanui loa o keia mau hoaloha o ke Kiaaina e ike ia ai. I ka la 9 o lune aenei e noho mai ai ka aha elele a na Repubaīika ma Cleveland, he eha mahina holookoa i koe, a o keia hoolaha ana ae la a ke Konela i kona manao e holo ana oia, loāa iho la he mau moho ikaika a ka laoao Repubalika. : Ua hooia ia ae ke ohohia I nui ia o ke Konela Konx ma keia aoao o ka Hema, kona aina i noho ai a kupa a kamaaina, a i ike nui ia mawaena o na ahahui o na poe kuonoono o ka aina, aka, ma ka aoao "ua ike nui ia oia ma kana oinana hōolaha' nupepa, a pela i manao ia ai oia kekahi o na inoa ikaiika o ka aoao kalaiaina Rei pubalika.