Ke Alakai o Hawaii, Volume VIII, Number 42, 27 February 1936 — KOKUA BERITANIA I KA HOONUI MOKULELE HOU E MANAO ANA IA E HOONUI I 5,000 MAMUA O 1937 [ARTICLE]

KOKUA BERITANIA I KA HOONUI MOKULELE HOU

E MANAO ANA IA E HOONUI I 5,000 MAMUA O 1937

LADANA, Feb. 11.—O ka nui o na mokulele a Beritania e manao nei e hana a e 'hoomahuahua aku i kona mau kulana ikaika kaua, he 5,000 no ia, ke hiki ajcu i ka la 1 o Maraki o ka makahiki 1937. A wahi aka n'uepa United Press i hoike aku ai i ke keena o ko na e o Amerika Huipuia i ka po nei. He hooi hou ana ae keia ;8,000 tausani mokulele hou mai ka huina mai o keia manawa, a pela e koho aku nei na kanaka kakau nupepa, e hooholo ia ana keia huina nui i keia noho ana mai o ka ahaolelo o ka p.oe i kohoia o Beritania nui. E hoomahuahua pu ia ana ka nui o na kanaka maloko o ka oihana kaua o Beritania, e manao ia nei e ohi ia ana he 2,500 mau aliikoa hou, a he 23,000 tausani ka nui o. na kanaka koa no ka hoohana ia ana aku o ; na mokulele. Ke kukulu hou ia nei he 35 ka nui o na. hale-mokulele nunui no ka malama ana i na mokulele ! hou. | Ke holomoku nei ke a'o ia ana o na kanaka maloko o na halekula me na makaukau apau o ka ike mokulele, a he mau tausani o na keiki opio e hookomo nui iā nei maloko o keia mau halekula. O ka ike mokulole, kekahi o na iko anonui loa e lawe nui ia e na me ke kokua pu ana ke aupuni, a ke haawi ia i/ei na haawina ia lakou e hoihoi aku ai ma ko lakou mau home e hoopaanaau ai, a e kula pu ia ai lakou ma na halekula. Aole ma na ike buke wale no. aka, e a'o pu iā ana na haumana me na makaukau apau o ka hana mo'kulele ana, ka hana ana i na enekini, ke kamana ana, ke kapili ana ame ka okioki ana i na apana o ka moku!e!e, ame na makaukau o ka lele ana iho i ka honua maluna o na iupe nunui.