Ke Alakai o Hawaii, Volume VIII, Number 45, 19 March 1936 — HAULE LIKANA MA KONA KALAPU KOHO KE KALAPU O MAEMAE IA MR. JOHN H. WILSON HAULE KA PAPA HOONOHONOHO I HOOMAKAUKAU IA AI [ARTICLE]

HAULE LIKANA MA KONA KALAPU

KOHO KE KALAPU O MAEMAE IA MR. JOHN H. WILSON

HAULE KA PAPA HOONOHONOHO I HOOMAKAUKAU IA AI

He mau walaau nui ia ana keia, ke koho ia ana o na elele ame na lunanui o na kalapu Demokarata i ka po Poaono aku nei, Maraki 14; no ka ahaelele e noho mai ana iloko aenei o keia mahina ae. Ma ke kalapu ponoi o Mr. L. L. McCandless, ua ike ia ka haule ana o kana poe i wae ai e kakoo iaia, a oili pulelo ae la ka aoao e kakoo ana ia John H. Wilson. O ka halawai i malamaia ai ma ka home o Mr. L. L. McCandless mā alanui Liliha, ua hoopiha ia aku ia e na lala o ke kalapu, a mai ka halekula mai o Maemae. O ka papainoa ponoi a M«Candless i hoomakaukau ai, i hoike ia ae ai ma keia

halawai, ua pau iho la ia ā pau i ka helelei ma o ka nui ala o na elele i koho kue i ,ua papainoa la, wahi a na hoike a na lunanui o ua ka-* lapu la ma ua halawai nei, a ua koho ia he poe elele i a'o ole ia ke ano o ka lakou koho ana ke hiki mai i kolakou noho ana aku ma k'a halawai a ka aoao e noho mai ana i keia mahina ae. 0 na elele maoli i kohoia iho la, elike me na mea i hoike ia mai e ua lala o ke kalapu, ua ike ia ko lakou manao e koho hou ana ia John ■H. Wilson i Komite Lahui no ka aoao kalaiaina Demokarata. Haule Pu Me Kana Kaīkamahlne O kekahi o na moho elele i haule, oia no o Mrs. Lester Marks, ka Mc.Candless kaileamahine ponoi; o Dr. Thomas McVeagh kekahi i Haule ame Mrs. William Borthwick, o keia poe a pau i haule iho la, he mau kakoo ikaika no Mr. McCandless. 0 keia malalo iho ka inoa 0 na moho i holo: Charles M. Hite, 42; F. H. (Alapaki) Smith, 39! E. C. Peters, Jr., 28 ; Mrs. William Thoene, 33; Carl Thoene, 32; ame Norman Gedge, 28 ua pau keia poe a pau i ke koho ia. O na moho i haule, oia no o Mrs, Borthwick, 25; Henriettā Holt, 24; William R. Lorrimer t 20; Mrs. Lester Marks, 17 ame Dr. MeVeagh, 12- - O Likana Ka Peresidena 1 ka haule ana o na elele 1 hoomakaukau ia ai ka papainoa no ke kakoo ana ia Likana. aia hoi, ua koho ia ae la no oia i Peresidena no ke kalapu ame Mr. Thoene ka hope-peresidena, o Smith ke kakauolelo ame Mr. Peters ka hope-kakauolelo; Mrs. Wiiliam Thoene ka puuku; a ua koho ia o Mrs. Holt i komite kalana. Mawaho ae o na elele he eono i kohoia, ua paa pu iho o McCandless i kona hookohu eiele, ma kona anp he iaia no ka papa kuwaena o ka aoao kaiaiaina Demokarata; o kekahi mau lāla e ae o keia elele ma ke ano o ko laua lala no ka papa kuwaena, oia no o Mr. William Borthwick ame Louis K. Silva.