Ke Alakai o Hawaii, Volume VIII, Number 46, 26 March 1936 — HUI AE LA HE 4 MAU HANA NUI HOOHOLO AE LA LAKOU E UWALO AKU IA GEREMANIA O BERITANIA, FARANI, ITALIA AME BELEGIUMA [ARTICLE]

HUI AE LA HE 4 MAU HANA NUI

HOOHOLO AE LA LAKOU E UWALO AKU IA GEREMANIA

O BERITANIA, FARANI, ITALIA AME BELEGIUMA

P»ERUSELA. Mar. 20.—E olelo āna o Kuhina nui Pāul van Zeeland, imua o ka aha kuhina o ke aupuni i keia la, ua apono aku la ka aha kuhina o Belepriuma i ka aelike i hod#akaukauia no ka maluhia maluna o ka aina o Locarno.

"Manao au he hiki no ke hana ia kekahi aelike maluhia maluna o keia kumuhana a e ulu ole mai ai na hana hookahe koko o na makaainana maluna o ke kahua kaua."

"Nolaila au e manaolana nei, e ae mai āna no o Geremania i keia manao."

LADANA, Mar. 20.-—O na mana aupuni eha o Europa. i ike ia, oia o Bertania„ Farani. Italia ame Belegiuma, o lakou na mana aupuni eha i kuleana maluna o ka ninau o keia aelike o Locarno mai ka manawa mai 'o Geremania i unuhi aku ar iaia iho. ua aelike iho la keia mau āu-

puni eha e hoohui i ko lakou mau ikaika kaua apau, ina e hoole mai ana o Hitler i keia manao o keia mau aupuni eha i hooholo iho la, a e kukulu ana lakou he kahua onipaa loā no ka hooholomua ana i ka lakou mau mea e manao ka pomaikai o na makaainana o na aupuni apau.

Ua hoke ia aku la keia mau mea imua o ka hale o ka Poeikohoia, (Ahaolelo), ma na hoike pili. aupuni i ke#a la, a na kakauolelo Anthony Eden, i hoakaka mai ka manao nui o ua aeiike nei. ,1 ka wa nae i waiho ia aku ai o keia manao imua o kekahi halawai kuikawa malu ana a ka aha kuhina, ua Joaa iho la kekahi mau kue ana o kekahi mau lalii o ka aha.

. Na kuhina nui Beek oke aupuni o Polani i alakai ke kue ana i keia manao i hoa~ kaka ia ae ai, e hehi mai ana i keia mau hoolala ana a na aupuni he eha me ke kapa ana e hoao ana lakou e hooponopono awiwi wale ia no mawaena o lakou, a be papahana keia a lakou i hoomakaukau ai e hoike maopopo le'a ana i ko lakou makemake ana e lawe aku i ka aina o Locarno no lakou.

Ao!e He Makemakeia O Na H&na Pupuahulu I ka wa a na aupuni o Ohile ame Denemaka i hoike liiai ai i ko laua manao i ka hiki ole ana ia laua ke pupuahūlu koke mai i ke apono ana maluna o keia kumuhana, mamua o ka haawi ia ana aku i manawa e noonoo pono al maluna o keia ninau, ua pane mai la o kakauolēlo Anthonv Eden, aole loa ona mau manao aha e waiho aku i keia mea imua o ka aha me ko lakou hana ana mai me ka awiwi.