Ke Alakai o Hawaii, Volume IX, Number 15, 23 July 1936 — APONOIA N A HANA HOIKEIKE ME KA AAHU OLE NA KAIKAMAHINE HULA IMUA O KA LEHULEHU [ARTICLE]

APONOIA N A HANA HOIKEIKE ME KA AAHU OLE

NA KAIKAMAHINE HULA IMUA O KA LEHULEHU

CLEVELAND, lulai 12.— Ma ke 'kahua hoikeike ol Great Lake ma keia aina o ! Ohio, ua hoopiha mau ia keia kahua hoikeike me ka .lehulehu no ke ake ana e ike 1 _na kaikamahine hula me ka lole ole. I keia po iho la, i aeia ai keia hana hoikeike hula me ka lole ole, a kukala mai la o A1 Schaefer, ka luna hoohana nui o keia kahua hoikeike, malalo o ka makemake o ka lehulehu o ka aina, ua ae ia keia mau hana hoikeike me ka loie ole. O ke kaikamahinp e kaulana nui nei ma keia mau hana hula me ka lole ole, oia no o Toto, he kino tiui pu'ipu'i kona, he wahine u'i a he heleheiena nohenōhea, a iaia e ku mai ai e hula imua o ka lehulehu ua hoopihaia na mea apau me ka mahalo no ka nani ame ka maikai o kona kino.

He lole silika keokeo kona e aahu ana, eia nae, he ike wale ia aku no kona kino, no ka mea, he lahilahi

loa keia silika, E hoike ana keia lunanui o keia kahua hoikeike, aole he mau hana pelapela e hana ia ana e keia kaikamahine hula, o ka m«a kue wale no i' keia hana, oia no o kekahi hapa o ke anaina, oia hoi ka hapa o na wahine; mamuli no ia o ke ahuwale ana o ke kiao o keia kaikamahine i ka faa e hoolele ia aku ai o na kukui uwila i kona wa e hula ai. ■'■■■

Mamua ae o kona hooko ana mai i ka manao o na leo hoohalahala a kekahi mau ahahui o na wahine o ke kulanakauhale, aia hoi, ua waiho ae Ia oia i ka ninau imua o ka lehulehu o kēia aina, iiia paha e hoomau ia aku keia ano hoikeike a aole paha? Maloko o kona keena e muu ana he mau tausani o na lerta i kakau ia māi iaia, a e hoike mai ana ka lehulehu, aole he mau hewa i hana ia e keia kaikamahine» "ā nōlaila, ua hooholo iho keia lunanui e hoomauia no keia mau hana hoikeike, a ua manao iho oia, ua oi ae ka leo o ka lehulehu mamua o na leo hoohaiahala a na ahahui wahine o ke kuīanakauhale.