Ke Alakai o Hawaii, Volume IX, Number 17, 6 August 1936 — NUI KA INO MA AMERIKA A PUNI NA KA UA ME KA MAKANI I HAPAI MAI KA INO NUI LOA KA MAKE MA AMERIKA HEMA [ARTICLE]

NUI KA INO MA AMERIKA A PUNI

NA KA UA ME KA MAKANI I HAPAI MAI KA INO

NUI LOA KA MAKE MA AMERIKA HEMA

I ka Poakahi aku nei, lulai 27, i uhiia iho ai o Amerika holookoa me ka ino nui loa, mai ka makani ikaika loa mai ame na kuaua kohu moanakai o ka Pakipka i hanini iho maluna o ka honua aina o Amerika; ua laweia aku he mau tausani o na ola o na kanaka ame na holoholona, a o ke poho i kohoia, aole e hiki ke maopopo i keia manawa. Olapa iho la na ahi-uwila mai ka lewa iho maluna o na aina o Pennsylvania, Ohio ame West Virginia. Ua hooneeia he lehulehu o na hale, na home ame na hale ma na kahua heihei ma ka aina o Piladelepia. He mau kanaka i make i ka pa ana iho a keia olapa ahi uwila i ka honua, a he nui loa na poe i hoehaehaia ma ka aina o Brownsville. I ka pa ana iho a keia olapa uwila i ka honua, aia hoi, mokumoku liih'i ae la na uwea apau e kau ana maluna o na pou o keia mau aina o Piladelapia. ame West Virginia, a pau pu me na uw ? ea radio i ka mokumoku liilii. Ma Na Mokuaina Komohana Hema He mau hoahiuhiu ale o ka moana kai o Mekiko a loaa pu aku me ka aina o Nu Orlean, a na ia mea i hoonee iho na- ale'o eli aila he nui wale, a pau pu me na uwea telep6na i ka mokumoku iiilii ia. Hh niau haneri ona kanaka hana o na aina eliaila o Texas, i holo aku no luna o kekahi mau waapa

nunui he ekolu, maluna o ke kai kuono o Terribone ame Timbalier, a e lana ana me ka manao ia ana e hoopakeie i ke ola o na kanaka i ka wa e pau ai na hale hana aila i ke ahi, a i keia maiiawa, ke mo-ku nei lakou me he mau kahola i'a la i make i ka hola. O kekahi alahele o ka' ua ame ka makani i holopapa mai ai mal un a o keia aina, mai ka aoao hikina mai 110 ia o Florida, mai ka waoakua niai o Bahamas. Na ka ua ame ka makni i ' hoopuehu iiilii ae a i hoohalana pu ae i na mea apaū e loaa mai ana ia laua, a i ka olapa ana mai a ke ahi uwila, nana e holapu iho i na opala, apau e loaa iho ana 2aia, a o ka pau sna ae la ia 0 ia mea. Ike ia keia mau haawma ma ka aina o Taxa o ke ola aua o na kanaka, aia no ia iloko o ka maopopo ole. i Ku i ka mana'ona'o keia mau haawina e ike ianei, he okoa hoi ka weliweli o ka wela a ka. la i kela mau aku nei, i lawe aku ai be mau tausani o na ola o na kanaka ame na holoholona, 1 hoomaloo iho i na aina kanu huita ame na hua meaai o na ano a pau, a i helelei ua ole iho no kekahi mau la a maloo na muliwai ame na kahawai, a hoi aku ka wai a noho iloko o ka iu o ke kuahiwi, a i ole, ilalo o ka honua.