Ke Alakai o Hawaii, Volume IX, Number 17, 6 August 1936 — HOPUIA A HOOPA'IIA HE EONO MAHINA MR. BUDDIE MAIMAIKAI, E NOHO ANA MA NU IOKA [ARTICLE]

HOPUIA A HOOPA'IIA HE EONO MAHINA

MR. BUDDIE MAIMAIKAI, E NOHO ANA MA NU IOKA

NU lOKA, lulai 3!.—0 Buddie Maimaikai ka inoa o kekahi kanaka Hawaii, e noho nei ma ke kulanakauhale nei o Nu loka, i hookuu i kona mau noonoo maikai e lanakila a e noho ulakōlako iloko o ka manawa pokole, a ma ia hana ana, i komo aku ai oia iloko o ka mana o ka oihana makai, a hopuia oia, a i kona hookolokolo ia ana, aia hoi ua hoop.a'i ia oia he eono mahina e noho ai maloko o kā halepaahao o Nu loka nei. O j|ahi moolelo pokole e pili ana iaia, penei iho no ia: O Mr. Buddie Maimaikai kekahi o,na keiki liawaii e noho nei ma Nu loka nei, a oi.a kekahi lala o ka hui hookani pila o na keiki Hawaii. Ua ike ia he punahele loa iaia ka pili ana ma na lio heihei, nolaila, i kekahi la, i kona lohe ana i ka inoa o na lio e holo ana ma kekahi heihei e maiama ia ana ma ke kahua heihei, a i kona nele ana me ke dala e hiki ai iaia ke pili mahope o kana lio i makemake ai, aia hoi, ua lawe aku ia oia i kekahi mau Guitar ame kekahi Bass-Viola no ka hale hoaie dala, me ka manao ana e hoopaa aku ana i keia mau waiwai no ke dala ana i makemake ai e aie. Ua holopono keia manao ana o Mr, Buddie Maimalka.i, a ua loaa mai la iaia dala ehke me ka nui ana i makemaKe ai, a ua hoopaa aku la oia i ua mau pila la a hiki i ka wa e eo mai ai P ka heihei i kana lio i pili ai, alaiia, hoihoi mai oia i ke dala ana i aie ai. Aka, i ka hoomaopopo ana a nā hoa i keia mau hana a Maimaikai, aia hoi, ua waihoia aku la ia iloko o ka lima o ka oihana makai, a hopuia iho la oia. I kona hookolokoloia ana, aia hoi, ua ku iho la ka hew r a iaia, a hookau mai la ka lunakanawai i ka hoopa'i o eono mahina maluna ona e noho ai maloko o ka halepaahao o Nu loka.