Ke Alakai o Hawaii, Volume IX, Number 18, 13 August 1936 — KA NUPEPA OLELO BERITANIA "THE VOICE OF LABOR" NA NA HAWAII E HELUHELU IHO I KONA MAU MANAO [ARTICLE]

KA NUPEPA OLELO BERITANIA "THE VOICE OF LABOR"

NA NA HAWAII E HELUHELU IHO I KONA MAU MANAO

I ka Poakahi o kela pwle aku nei, Augate 3, i puka ai ka Nupepa "The Voi<;e ojF Labor," mai keia halepa'i palaapla aku, a i nōho lunahooponoponoia e Corby Fax~ ton.

He Nupepa keia e puka mau ana i na pule apau ma ka olelo Beritania, a o kona auhau no ka makahiki he $2.00, He eha aoao o keia Nupepa, a he eono kolamu o ka aoao hookahi. E hoolah.a ana i na nuhou o na aina e ame na nuhou kuloko, a e hapai mau ana i ke ke'a o na kanaka limahana maloko nei o ka aina.

O kona manao pepa ma keia puka ana, e pili ana no i ka hana a na kanaka limahana Sepania, e Hakaka ana no ka Aina a no ke Kuokoa.

"The Voice of Labor," — Ka Leo o na Limahana, —he kuokoa kona mau manao ma na ano apau, a e kalai ana maluna o ke kahua ana e ike ana he pono. E hapai ana i ka pono ame ka holomua o na kanaka Uiona o ka aina nei, ame ka laulima pu ana me lakou iloko o na wa la'i malie ame oehuehu o ka aina.

No Elua Dala o ka makahiki, ke kono nei makou i i p Hawaii olelo haole apau e lawe i keia Nupepa 110 ka hoonaauao aua ame na kukulu manao naauao ana.