Ke Alakai o Hawaii, Volume IX, Number 19, 20 August 1936 — MALAMA ANA I NA HOME ME KA NANI E KAKOO ANA I NA MANAO WAIWAI OLE A PAU A E MOEKAHI ANA KOU NANA ANA MALUNA O PONO [ARTICLE]

MALAMA ANA I NA HOME ME KA NANI

E KAKOO ANA I NA MANAO WAIWAI OLE A PAU

A E MOEKAHI ANA KOU NANA ANA MALUNA O PONO

(Kakauia e Robert A. Nui.)

Mamuli o kekahi ninau anonui i hoalaia mai e ka hope luna-hooponopono o ka nupepa "Ke Alakai o Hawaii", e pili ana i ka noho'na o kekahi paa mare hou, me ka mana ike i loaa a i ikemakaia ai e a'u, aia no a awelike a lokahi ka manao o ka kane ame ka wahine, alaila, e hoohauoliia' ka home, i ike o3e ia mea he paonioni a me ka lawehala. Aia no ka holomua a hoomaopopo pono laua i na loina like ole o ka noho kane ame wahine ana, e hoomanawanui a e hoomakaulii ana hoi i ka wa o ka inea a me ka hoohaahaa ana hoi o na manao kanaka i ka wa o ka loaa a me ka waiwai, Mai auamo hookahi ke kane 1 na haawe o ka noho'na, aka, e ko-

kua ka wahine i ke kane elike me ka mea i hiki iaia a pela no hoi ke kane. E lilo laua elike me kekahi mau hoa iloko o ka oihana kale■pa, e makaala mau ana i ka pono a holomua o ia oihana. Mai awiwi i ka hoopuka ana i na huaolelo walania, e kaohi i kou mau manao i kukuluia maluna o ka inainā ame ka pono ole, n oka mea, ua hookala ia lakou me ka pohaku hookala o ka hookue ame k-a paonioni. E hoohakalia ole i ka mihi ana aku i na hewa i hanaia ai, no ka mea, ina e paa mau kou manao ma o ua mau hewa ala, e hoopilikiaia ana kou noonoo a e pamkuia ana kou mana ike mai ka hoomaopopp ana i na pomaikai e kau mai ana maluna ou.

E nana mau i keia ola ana ma ke ano maikai a nani, mai hookomo i kekahi anoano manao hoohuoi iloko o kou mana ike, no ka mea, e hoōpulapulaia ana ua manao āla a hiki i kona hoonui loa ia ana. Aole e awiwi i kā nana ana aku i ka hewa o ha'i me ka hoahewa ana aku, aka, e kaohi iho i kou mau manao.

Na ninau like ole e ala mai ana, mai makā'u a hohewale mamuli o ko lakou ano, aka, ku a imi pono aku i ko lalkou mau loina like ole me ka huJi ana i laau lapaau. Mai holoholo olelo, mai ni'ani'a wale aku, aka, e hoohāmama i ha ipuka o kou puuwai i ke alakai ia ana e ko kakou Akua. Ua oi anei ka mana o na mia i hanaia ai mamua o ka* mea nana i hana i ua maumea ala?

E hahai i na manao oiaio a e hoopiha i kou hale me ke aloha, no ka mea i kou hana ana pela e puia ia ai kou home me ke aloha a e like me ka mehana o na kukuna o ka la e komo ana iloko o na wahi aniianu pela no ka hoomohalahalaia ana o na kukuna o ke aloha a lilo na mea apau malalo o kau hookele maikai ana. E kukakuka mau; npai hana i na me# e nookaumahaia mai ai oe.- E ike i rta mea maikai iioko o kou hoa—na kinaunau mai haawi aku i ua mau mea la i wahi iloko o kou aoonoo.

Ē like me kekahi pohaku i kiloiia aku iloko o ka wai e iana malie ana, me ka ike moakaka ia o kona papaku, e h-oonioni ana i kona waihona a ike oleia aku na mea i hookilohiiohiia ma loko o kona puhaka, pela na manao kanalua, hoohuoi a me hopohopo, aka ma ke kupaa ana me ka oiaio, aole e hiki i kekahi mea ke hoololi i ka hiohiona o ka oiaio.

Mai haawipio i ka imi ana i ka oiaio, aia ilaila kou puuhonua.