Ke Alakai o Hawaii, Volume IX, Number 21, 3 September 1936 — HAALELE 0 PERESIDENA AZANA IA MADRID PAA MAI NAE I KA HOPUIA MA VALENCIA OLELO KA AOAO KIPI E PAU ANA KE KAUA [ARTICLE]

HAALELE 0 PERESIDENA AZANA IA MADRID

PAA MAI NAE I KA HOPUIA MA VALENCIA

OLELO KA AOAO KIPI E PAU ANA KE KAUA

CADIZ, Aug. 25 —E hoike ana kekahi lono radio telegarama i keia po, a ka aoao kipi, na haalele iho o Manuel Azana, ka peresidena o Sepania nei ia Madrid, eia nae, ua paa mai oia i ka hopuia ma ke ano he paahao ma ka aina o Valencia. Ua olelo ia ae ua holo aku oia no Valencia, i hiki ai iaia ke kau aku maluna o kekahi moku, Ua olelo pu ia ae ua hoopiha ia ka aoao Aloha Aina me ka inaina ia Azane i kona haalele ana ia Madrid. a e hakilo ana lakou iaia ina oia e hoomau aku ana i kana huakai e haalele iho ai ia Sepania nei a holo aku no kekahi aina e aku. MADRID, Aug. 25.—Ua hoike ae la ke keena kalaiaina i keia po, ma na lono radio telegarama, ua huli hoi hou mai o Peresidena Azana i keia po no Madrid, mahope iho o kona hoohala ana aku i ka la holookoa*ma ka aoao akau no ka haiawai pu ana aku me ka aoao Aloha Aina. Ia manawa pu, ua hoike ae ka aoao Aloha Aina, ke kakoo nui nei ke Keikialii Alfonso 1 keia kaua kuloko ana; a elike no me ke ano mau o na wa kaua kuloko, ua hiki ole ke hilinai ia na olelo waha a kela ame keia no na mea e pili ana i kekahi aoao, a i ole, kekahi mau hana paha e hana ai no ka pono o kekahi aoao, a e hooili aku ai i na puupuu hahana loa ika enemi. Pēla ke ano o na alihikaua nui o ka aoao Aloha Aina i ke Keikialii Alfonso. Ua kanalua na makaainana aloha aina i ka hilinai ana i kekahi mau mea a ke keikialii i hoike ai. O ke kulana o ka paio e malama ia nei ma Sepania, he ku i ka weliweli ame ka mana'ona'o.