Ke Alakai o Hawaii, Volume IX, Number 27, 15 October 1936 — HOOPIHOLOIA O MAUNAKEA [ARTICLE]

HOOPIHOLOIA O MAUNAKEA

Mamuli o ka hiki hou ole iaia ke alo i na ehukai ame ka pau ana o kona mau paahana I ke aiia e ka naonao aki ame ka naonao lele, pela pu nohoi me ka popopo ana o na wahi hao like ole, e laweia aku ana ka mokuahi Maunakea i ka la 7 o keia mahina no ka hoopiholo ana aku iaia ma ka moana nui ahiu. E alakoia aku ana oia e ka waapa huki a i kona hiki ana aku ma kahi i hoolala mua ia a malaila e hoopiholoia aku ai o Maunakea. Ma Kapalakiko i ka makahiki 1906 i paa ai oia a ua holo mau oia mawaena o na mokuaina no na makahiki he umikumamahiku. I kona hooki ana iho, ua holo ae la o Haleakala ma kona wahi.