Ke Alakai o Hawaii, Volume IX, Number 27, 15 October 1936 — KIPU KA WAHINE I KE KANE [ARTICLE]

KIPU KA WAHINE I KE KANE

; Mamuli o kona lili ana i kana kane, no kona piuana mau ana i keia mau huaolelo "he wahine o&oa ka'u" oiai oia e hiamoe ana. ■ua'lilo aku ia i mea e hoinoinoia ai ka manao o ka wahine a ku :i ka lili me kona kii ana aku i ka pupanapana a ki iho la i kana kane e hiamoe ana ma ke koki. I kona nienieleia ana e na makai, ua ae mai la oia me ka olelo ana mai ,! mamuli no ia o ke kahea mau ana o ka'u kane ia Marie." O ka inoa 6 ka wahine pepehi kane oia no o Mrs. George Haugaard, he wahine u'i loa' ia, nona na makahiki he .37. "Ki akfu la au iaia no eono manawa," ana I pane ai. "Aole i maopopo ia'u na manawa i ku aku ai oia me ka poka. Aole i hiki hou ia'u ke uumi iho i ko'u huhu mamuli o kana mau hana me kela wahine me Marie." Oiai kana kane o'H. E. Haugaard, he kamana kana hana, e waiho ana iloko o ka make, holo aku la'o Mrs. Haugaard no ka rumi auau a ho-a ae la i ke gas, Kauolokoia mai la pia e kana keiki, nona na makahiki he 16 a o kona inoa hoi o Waliy, i hoalaia ae mamuli o kona lohe koliuliu ana i ke kani ana o ka pupanapana. Mamua nae o kona hoa'o ana e lawe ae i kona oia. ua kakau iho la oia i kekahi ieta i kana keikl penei:

"E Wally Aloha — Hooinoino maoli ia ko'u noonoo mamull o keia hana au. Ua ae mai kou makuakane i na- hana j hanaia ai mawaena oia ame kela wahine maikai ole a hiki ia i mea ino i kou noonoo ana. Maopopp. ia oe na hana ino a kou makuakane i hana mai ia'u, Oi aku kona pepehi ana mai ia'u mamua o ka lohe ana aku o kekahi mea e aWu i kana mau hana, Aia kekahi mau dala u i hoolliili i maloko o ke kini balu —ina he nui ua maikai loa aka he uuku wale no. Ko'u aloha hou ia —Kou makuahine aloha."