Ke Alakai o Hawaii, Volume IX, Number 31, 5 November 1936 — Alai Ka Ua Ia Nuuanu Hanee ka Lepo Ame ka Pohaku ma ke Alanui e Pili aku Ana i ka Pali o Nuuanu [ARTICLE]

Alai Ka Ua Ia Nuuanu

Hanee ka Lepo Ame ka Pohaku ma ke Alanui e Pili aku Ana i ka Pali o Nuuanu

Oiai ke kulanakauhale e hookelekeleia ana e na kuaua nui, e hooikaika ana na limahana o ka oihana kinaiame na makai i ka hoopakele ana i na waiwai like ole mai ka ino mai. Ma Kaimuki holookoa, alaiia ke alanui me na kaa otomobila i hoopilikiia ko lakou mau paahana ma o ke ! komo ana aku o ka wai iloko \ o laila. Ka muliwai o Nuuanu, pii a hu ka wai malUna aku o kona mau paia, me ka ! holo ana aku a komo iloko o na hale kuai e ku nei kohā mau aoao. : Hiki ole kekahi mea e ho- | oholo mai i kona kāa otomobila ma ke alanui o ka pali no ke keakea a alaiia ana o ke ala e ka pohaku ame ka lepo i haneē iho mai na kualono mai. Aka aole he ola i hoopoinoia. I ka aumoe o ka la 29 o keia mahina, hooikaika na makai o Kaneohe i ka eli ana i ka lepo ame ka pohaku i hemō hou ai ke alanui. Ma na alānui Kalanianaole ame Waialae, ikeia kekahi hale e na limahana o ka oihana kināiahi ua haule mai kona kahua iho, Ma ke alanui e pii nei iluna o ka pali o ke Pakipika, hoohaneeia ka paia koo. no ka noho mau ana o ka Wai malaila- 1

I ke kihi o na alānui Nuuanu ame Winia, loaa aku la he pou ua kulaiia x e ka uwila, aka aoie he mea i hoopoinoia. He mau hale ma Makiki i hoopilikiaia ma o ka iana ana o ka wai nona ke kiekie o ekolu kapuai. Ma Puuloa, lilo ke kuaua hoomau i kumu e hoopihoihoiia ai na manao o na kanaka e holo mau ana malaila. Pela ma ke kulanakauhale pono-i nei. I ka holo o na kaa iloko o kahi e halana ia ana e ka wai, e kiki mau ana ka wai ma hai o kahi helewawae. Elike me ka hoomaopopo ana a Feldwisch, oia hoi ke kanaka wanana ea, me he ala aoie e mao ana ke kuaua no kekahi mau la.