Ke Alakai o Hawaii, Volume IX, Number 31, 5 November 1936 — ULU KA PIHOIHOI Ala ke Kanalua i na Lunanui No ka Hooponopono Ana I ke Olahani [ARTICLE]

ULU KA PIHOIHOI

Ala ke Kanalua i na Lunanui No ka Hooponopono Ana I ke Olahani

Aole i lilo ka hiki ana aku o Komisina Hope Akimarala Hale G. Hamlet ma na aekai 0 Kapalakiko i mea e hot>hamauia ai na kukai manao ana o na lunanui o ka oihana kelamoku ame na ona mokuahi. Ua loaa ia Akimarala Hale G. Hamlet ka mana piha no ka hpoponopono ana i na ninau apau e hoalaia mai ana e na lunanui o ka oihana kelamoku ame na ona mokuahi.. Mahope o kona hoea ana mai ma Kapalakiko mai Wahinekona mai, hele koke aku la o Hope Akimarala Hale 0 1 . Hamlet no ka huipu ana me Hope Kakauolelo o ke Ahahui o na Limahana o Edward F. McGrady kona keena oihana. Alaila haalele aku la oia ia McGrady a hele aku la no ka halawai pu ana me Harry Lundeberg, ke kakauolelo o ke Ahahui o na Kelamoku o ka Pakipika ame Aaron Sapiro, kona loio. Kukala ae la o Lundeberg 1 kona manao, oia nohoi ka oi aku o ka maikai o ko lakou kue ana aku i na mea apau i hoolalaia ai ma Wakinekona mamua o ko lakou hooko ana aku i ua mau manao ala. Nonoi hou mai la oia e uku ia na kelamoku ma ke dala kuike no na manawa i of aku mamua o kā manawa maa mau a lakou e hana ana, aole hoi e hoomaha waIe ia lakou me ka uku ōle. Ma o ko Akimarala Hamlet hoomaopopo ana me he ala e lokahi ana no na aoao elua e kuee nei malalo o ke kuhikuhi ana a kekahi papahana maikai loa i kupono i ka manao o na aoao elua.