Ke Alakai o Hawaii, Volume IX, Number 34, 26 November 1936 — PAUHIA HE WAHINE OPIO I KA HIAMOE Mai Febuari Mai o ka M. H. 1932 Kona Hiamoe Ana [ARTICLE]

PAUHIA HE WAHINE OPIO I KA HIAMOE

Mai Febuari Mai o ka M. H. 1932 Kona Hiamoe Ana

KIKAKO—O kekahi mea kamahao loa i ikeia maanei 0 ia no ko Patricia MaGuire pauhia ana i ka hiamoe mai ka mahina mai o Febuari f M. H ; 1932, I ka makamua o kona loaa ana i keia mea kamahao, aole i hiki iaia ke ala a e hanai mau ia ana oia e kona makuahane. I keia manawa ua hiki iaia ke hoomaopopo 1 na mea e kamailioia aku ana iaia, me kona hoohauo3iia ame kona minoaka ana f aka aole i hiki iaia ke wehe ae i kona mau maka, He wa uuku wale no kona ala ana alaila pauhla hou iho la oia i ka hiamoe. E hele mau ana kana ipo e ike iaia i na pule apau, he elua la. E lawe mau aku ana, ke kanaka lawe leta i kana man leta, a ka makuahine e houluulu nei i kahi hookahi a hiki i kona ala hou ana maL He nui wale na poe i hoao e hoala ae i keia wahine opio mai kona hiamoe ana 3 a ua waiwai ole ka lakou mau mahele hana.