Ke Alakai o Hawaii, Volume IX, Number 35, 10 December 1936 — Heaha Ana Ka Hopena O Ka Lahui Hawaii [ARTICLE]

Heaha Ana Ka Hopena O Ka Lahui Hawaii

Ua kukai manao au me kekahi ō kahi Hoikeike Mea Kahiko o Bihopa e noii pono nei i ko ka Lahui Hawaii ano oiaio a me he ala ua kulike ko maua manao maluna o Keia ninau i laweia mai e au a lilo i poomanao. I ka pae ana mai o Ijo kakou mau kupuna ma neia pae-aina ? ua alu like iho la lakou ma ka lakou mau hana apau, elike me na mea i hoomaopopoia me ka lahui kanaka i hoōmaopopoia ma na kaao o na menehune. Ke hoikeike nei na kaao o ko Hawaii noho'na i na wa 0 ka hiki ana mai o na Misionari i na ike like ole i loaa akn 1 ko kakou mau kupuna a na malihini hoi e apo ohohia nei ma na hana kalepa he lehulehu, elaa na moena. na hana kapa, a pēla wale aku. He kanaka naauao ke kanaka Hawaii oiaio. lioko o keia noho'na kupilikii ana a kakou e paulele «ei maluna o na dala no ka hoolawaia ana mai o na mea e pono ai ka noho'na, e hookelakela mau ana kake.i me na lahui e. Aia paha ko kakou lanakila a hoōhui piha ia ka Hawaii oiaio me na lahui e aku a o na hua e loaa mai ana mai ia hoohui ana e ala mai ai hē lahui Hawaii hou i makee i kona mau pono me ke ae ole ana aku ia hai e aeku mai. ■■ - — Pehea la kakou Hawaii ke hiki ole e paio iho i ko kakou pono, elike me ka nai aha o Kamehameha ekahi i ka pono kaulike ona kupuna? E ala ena Hawaii a e maka-1 ala i kou pono. | He lahui wiwoole ka lahui Hawaii i na au mamua a 1 pehea la lakou e kuemi hope nei? Oiai ko kakou kupuna I e malama ana i ka ihiihi o ke kapu o ke au kahiko, e holomua ana ka lakou mau haha. E ulu lipolipo ana na meakanu, e piha aha na kāi ame na wai me na ia ame na opae. ■»■:■■ Mai k&ukai aku i keia lahui Hawaii hou nana e nai no kou pono, aka e hoomaka ano no ke nai ana i &ou pono iho, He nui wale na alahele e loaa mai ai na pomaikai,— aole wale no mai na dala mai. Mai na manao maikai i komo aku iloko o kou noonoo ana e loaa mai ai he kumuhana au e hooko aku ai a hookipa mai ana no na pomaikai ame ka hooholomuaia ana o kau mau hana. Ma kekahi heluna o na kope o "Ke Alakai o Hawaii" i hoopukala aku ai na manao e pili ana f kou ano oiaio. Ina e hahaiia ana keia mau olelo a'o ana, e 'ili mai ana no ka lanakila me ke kanalua loa ole.