Ke Alakai o Hawaii, Volume IX, Number 37, 24 December 1936 — IKE KA MOI I KA HUNE AME KA NELE [ARTICLE]

IKE KA MOI I KA HUNE AME KA NELE

CARDĪFF, Wales—"Aloha- ino,—aloha ino."

Pela o Moi Eduarda o Enelani i puana ae ai, oiai oia e bele makaikai ana ma na„taona o na poe eli nanahu o Wales Hema, me kona ku e lohe i na moolelo i hoopihaia me ke aloha, ka hune ame ka inea.

I ka nana ana iaia oiai oia ma na taona mua, me he mea la ua komo- aku ke aloha oiaio iioko o kona puuwai no na makaainana i hoopuniia me ka hune ame ka ivele. Ua minoaka a hoike oia i kona hele ana a ohaoha i kaua mea o ka hookanikani pihe o na kanaka iaia, aka ua oi aku kona kaumaha i na mea | ana i ike ai i kuni moakakaia [maluna o kona mau helehelena.

Huli aku la oia a ole'lo akii la ia Allan Harris,. ka lunahoomalu o ke Komite Hana no na poe i hooneleia me ka hana:

"Nana pono au i na mea apau ma Wales Hema me ka hoehaia o ko'u puuwaL E kau mai ana ke kokua ana maluna o lakou i hoopauia ai na hoailona o ka inea ame ka hune,"

Ma Pontypool, mamuli o ke alai ana o na kanaka i kahi a ka moi e hele aku ana, ua komo mai la ka oihana makai e oki i alanui no ka Moi e hele aku ai. He haneri o na hanen poe i nee mai i mua no ka lulu lima ana me ka Moi a lakou i hele a aloha, me ka uwa ana:

"Teddy maikai a oluolu" a "E hana oe i kekahi mea no ke kokua ana mai ia makou."