Ke Alakai o Hawaii, Volume IX, Number 37, 24 December 1936 — HE MOA KAMAHAO [ARTICLE]

HE MOA KAMAHAO

0 ka moa, ia he mea kamahao; aole no ia i lilo i mea e pai ia iloko o na nupepa. Aka o ka moa i hanauia ma Wales, ua lilo ia i kumu i pa'iia ai kona kii iloko o ka buke "Na kula aina," he buke hoi i paiia no na hana ao mahiai. 1 ka manawa i hanauia ai keia moa, aole ona he okoa aku mai na hua moa e waiho ana iloko o ke kapuahi hookiko hua. I kela wa, ua hoomaopopo iho la ke kanaka malama i ke ano nawaliwali o ka hua e waiho ana ; aka e pana mau ana ka puuwai o ka moa kamahao i puka ae mai ua Jjua ala.

I keia la ua lilo keia hua i mea e kamailio nui ia ai e ko Wales poe mahiai, mamuli o na mea kamahao e hoomaopopo ia nei e pili ana i keia hua.

O ke ano oiaio o keia moa, he kaka ame he moa kona ano. Aole i loihi iho nei, make ka makuahine o kekahi punana keiki moa a na keia moa kamahao i maiama a hiki i ko lakou nui ana ae.

I kona hoi ana e moe i ka po, aole i hiki iaia ke moe elike me na moa, aka o kona moe ana ua like me ke kaka. I kekahi wa e hoao ana oia e oo eiike me ka moa, aka aole i hiki. Hoao nohoi oia e kanikani elike me ke kaka» aka o ka leo i puka mai u& like ia me ke keu a ka alae.