Ke Alakai o Hawaii, Volume IX, Number 37, 24 December 1936 — Mele Kalimaka [ARTICLE]

Mele Kalimaka

I<€ haawi aku nei "Ke Alakai o Hawaii" i kona aloha mele kalikimaka me ka hauoli i kona poe heluhelu nupepa he nui no ka hoomauia ana o ko lakou noho h.auoli .ana.

He hookahi wale no pule i koe a hiki ana kakou i ka palena o keia makahiki a i ka nana ana. ae, me he ala aole i loihi ae nei ko kakou hookanikani pihe ana.

O ke Kalikimaka, he la ia i pulamaia e na lahui apau oka honua nei. oka la hoi ia i hanau mai ai ka Mea nana i hoikeike mai ia kakou ko ka honua noho'na oiaio ame ko kakou ano io. Ina kakou e lawe mai ana i kana mau huaolelo ao a malama aole wale no ma ka lehelehe, aka ma ka puuwai lilo, alaila he haumana oiaio kakou Nona. Aole Kana alahelo i kula mai ia kakou h<3 alahele paakiki, aka he malaelae wale no ina kakou e hoomaopopo pono ana i kana ao ana. Aohe ke kino kanaka ame na manao kanaka paha ka mea i oi aku ka mana, aka o ka uhane i pili pu akf me Kona o ia ke kukui nana e hoomalamalama i kou alahele ma keia hon.ua, E Mele Kalikimaka kakou e na hoaloha maikai!