Ke Alakai o Hawaii, Volume X, Number 19, 20 May 1937 — KUPONO OLE MAOLI NA ALANUI O KE KULANAKAUHALE NEI [ARTICLE]

KUPONO OLE MAOLI NA ALANUI O KE KULANAKAUHALE NEI

Kupono ole maoli na alanui o ke kulanakauhale nei malalo o ka hookele ana a na Repubalika, oiai o na dala no na alanui i kapae ia ai he pokeokeo maoli. Aia aku la iwaho ma- na kuaaina kahi o keia mau dala e lu ia nei. Ua oi aku ka makee ia o na alanui o kuaaina mamua o na alanui o ke kulanakauhale nei. O na alanui Teritore malalo o ka Papa hoohanā Demokalaka malalo o ka hookele ana a Louis S. Cain, he nemonemo hoi aohe i kana aku, me he ala he aniani, oia hoi na alanui aku keia mawaho o ke kaona ponoi, halike ia ae me na alanui maloko ponoi o ke kaona nei. O ka oiaio maoli keia e piii ana I keia mau alaniii. Alanui Moi f alanui Beretania, ame alanui Waialae. Ke hookuukuu wale ia nei e hele i ke ino ame ka nahaha. 0 ke alanui Moi mamua pono iho o Honolulu Hale a hiki aku ma'o o ka Pa Aiii, he kii e hoomanao ia ae ai "Ke alanui pohaku o Dubilina." Aole wale oke alanui Moī wale no aka, o ka oiaio pu keia e pili ana i ke alami? Beretania. Ma ke alanui Waialae e holo ala i Kaimuki he nui wale na alualua i hoopiha ia me ka lepo a me na mea kupono ole, he mea hoi e paa ole ai i ka wa e kahe mai ai ka wai iloko o ka wa ua. 1 ka nana ana ae i ka oiaio maoli maloko o keia papa hoohana, me kona mau loaa like ole e komo mai nei mai ka auhau aila kakalina mai, ua loaa a ke loaa nei hoi —no kona hoolilo ia ana aku, ka oi aku ona da!a i loaa no ka hoohana ia ana no ka pono o na alanui, aka nae, aia, i hea keia mau dala e ike ole ia nei o kona hua? He mea keia e hiki ole ai ke hoomappopo ia aku ? koe wale no aia paha ke hoolilo ia nei no na limahana Repubalika pipili wale mai, maloko o kekahl mau hana maalahi loa. He oialo aole i hiki i na Eepuhalika e v paa nei i ka oihana ke kuhi mai i kekahi aianui i hana ia a pau pono, koe wale no ka hoakea ana ae i kela wahi mahele alanui liiiii ma Nuuanu pali, He mea pono maoli e lawe ia keia ninau a noonoo ia» no ka mea iloko ae nei o na makahiki ekolu o ke kukulu ia ana o na alanui mawaho ae o kela wahi hakina alanui i ka Paii o Nuuanu a na Kepuhalika i hjana w» na ka WPA Demokalaka i hoolawa i na limahana a me ka hookele ana ina hana. Oke kokua mai ke kulanakauhale mai s o ka haawi ana mai ia i kekahi mau me& hana ame kekahi mau materia e piha pono ai ka papa hana o ke kukulu ana i na alanui. Ke kulana o na alanui mawaho o ke kulanakauhale, malalo o na Repubalika ame na alanui Teritore mawaho o ke kulanakauhale malalo o ka hoohana ana a na Demokalaka, ua lawa ia no ke kukulu ana mai i ke kii e ike ia aku ai ka lawa kupono ole o ka hooholo ana a na Repubalika ame ke kupono maoli o ka hoohana ame ka hookele ana a na Demokalaka ame ke ano o ka paahi kalaiaina ana. —- oQo