Ke Alakai o Hawaii, Volume X, Number 22, 10 June 1937 — Elua Mokukaua O Italia [ARTICLE]

Elua Mokukaua O Italia

ROMA, lune 10 — Ma ka lono i lonoia mai, ke hoomakaukau mai nei o Italia no ke kukulu hou ana i mau mokukaua hou he elua, aia wale no a haawi o Peresidena Roosevelt i kana palapala kena i ka aha kukakuka hooemi i na lako kaua, a i ole ia na mea kaua i kaupalenaia. Ma ka hoike e hiki ai ke hilinai ia aku e i ana ua makaukau loa o Mussolini i ke kauoha aku no ke kukulu ana i elua mau mokukaua no laua ke kaumaha o 35,000 tana o ka moku hookahi, e kukulu ia i keia manawa. E paa ia ana auanei malalo o ka olelo hooholo kukulu moku kaua e ka olelo hooholo hou, ina e kauoha ana o Peresidena Roosevelt e kaupal6naiāT"na mea kaua. Aole i hoike mai ka peresidena e hana ana oia i kekahi o keia mahele.