Ke Alakai o Hawaii, Volume X, Number 31, 12 August 1937 — IMI KE KIAAINA POINDEXTER I KE KOKUA FEDERALA NO KA HELUNA DALA O $1,894,614 [ARTICLE]

IMI KE KIAAINA POINDEXTER I KE KOKUA FEDERALA NO KA HELUNA DALA O $1,894,614

Me ke kahiko i makaukau no ka hoolawa ana aku i na kumu like ole e pili ana i ka nele no na hana pili i na hana no ka pono laula maloko o Hawaii nei, haalele mai la ke Kiaaina Poindexter ia Hawaii nei no Wakinekona, D. C. i keiā pule iho la i hala me ka manaolana e loaa ana iaia ke kokua dala Federala no ka hoohana ana aku i na hana like ole i hoolala ia no lakou ka heluna nui o 19 mau hana like ole maloko o na kalana ame ka Teritore o na hana WPA i hooponopono ia e hiki aku ana i ka heluna dala o $4,363,842. Mao ka haalele ana mai o ke Kiaaina Poindexter ia Hawaii nei no keia kumuhana i hoolala mua ia no na hana like ole e pili ana i na mahele hana maloko o Hawaii me na kumu like ole e hoike ana i ua nele nei, ua hoopiha ia aku la na mahele hana like ole maloko o ke keena hana o na oihana pili laula e ka lunaho.ohananui L. Cain o ka aoaō Demokalaka me na hua o kā maikai palena ole i ike ia mao kana hookele ana i na hana i kau ia mai maluna o kona mau poohiwi. He mau nanaina keia nana e hoike mai ana i ka holomua maoli o na hana i hana ia maloko o ka Teritore nei. 0 keia mau kumuhana like ole i hooholo ia ae la e hoohana aku a ke K i a a i n a i holo aku nei i Wakinekona no ke noi dala ana, he mau kumuhana keia aole i ala wale mai i ka wa ano aka he mau kumu hana i noonoo nui ia no kekahi mau manawa like ole i kaahope aku nei a hiki waie mai i ke kupono maoli ua hiki io mai i ka wa e hooholomua ia ai keia papahana. G keia mau hana he 19 i noonoo ia a i hooholo ia e hooloaa ia na dala no ka hoohana ana aku ia lakou ua hoapono ia ia e loaa ke kokua federala. I keia wa aia wale no ia i ke Kiaaina Poindexter no ka hoomaka ana aku e nee keia papahana imua. Ewalu mau kumuhana like ole maloko o ka Teritore ua hoonohonohoia ia aia i ka heluna o na dala he $1,601,859. Ua noi aku ka Teritore i 45 pakeneka o ka huina nui o na dala kokua federala nona ka heluna o 651,723 me ka manao e hookaulike aku i ke koena o na pakeneka he 55 me kona heluna dala ponoi o $950,134. O ka waihona dala o $434,500 aia ia ua makaukau no ka hoohana ana aku no ka pono o ka Teritore. O na hana Kalana i hooholo ia he umikumamakahi ko lakou nui a o kona heluna dala i hoonohonohoia aia i ka $2,761,983, a no ia mahele i noi ia aku ai ke kokua federala i ka heluna dala o $1,232,891. O ka mahele i ke Kalana ua hoonohonohoia ma kahi o ka $1,519,092. O ka mua maluna o ka papahana o ka Teritore e noonoo ia nei e loaa ke kokua oia no ke Keena ha'le hana auhau teritore i hooholo ia nona ana ka hoolilo o $280,162. Oka huina dala i hooloaa ia mai e ka ahaolelo i pau aku la he $200,000. No ke kuai ana aku i ka aina no keia hale e hiki aku ana i ke kumulilo o $100,000 o ka waihona o ka ahaolelo e hoohana ia ana ia no na mahele kukulu a pela wale aku. Na ke kokua Federala e- hoopau pono aku i ke kukulu ana i keia keena hana ku i ke ano o keia au. O kahi o keia hale hou aia ana ia mahope pono o ka Hale o ka Papaola Teritore ma ke alanui Moiwahine. Penei ka hoonohonoho ia ana o na hana e ae o ka Teritore me ko lakou mau hoolilo apau: Paipu aila no ke awa o Honolulu, $204,941. Port A|len no ka eli ana ia awa ame kekahi mau hooponopono hou ae e pili ana ia he $636,360. Kula hoopololel no na kaikamahine, $61,405. Kula hoopololei no na keiki kane, $136,364.- Palekai o Lahaina, $18,249. Ka uwapo alanui o Ala Wai, $228,885. Palekai o Nawiliwili, $35,493, Peni ka papakuhukuhi no na kalana: Honolulu, Kahauiki, hoopaa wai $58,113. Honolulu, Makiki, hoopaa wai $308,023. Keena wai o kuaaina, ko Honolulu am» wahi kokoke ana ilaila, $725,454. Hookio lepo o Honolulu, Ala Moana, $99,279. Hale a'o akeakamai o ke kula nui o Hawaii, $98,540. Hooponopono alanui o Honolulu, Piikoi, $130,883. - Uwapo kaahele, Alanui Keawe, Hilo, Hawaii, $100,000, Hoopaa wai, Honolulu ame Kapalama, $609,909. Hooponopono alanui, Ilonolulu, $136,600. Hale Hall oke Kula Nui O Hawaii, $340,279. Hale a'o i ke kulana o ka home ame kona mau hooponopono ana ma ke Kula Nui o Hawaii, $73,903.