Ke Au Okoa, Volume I, Number 41, 29 January 1866 — Kupanaha ka newenewe. [ARTICLE]

Kupanaha ka newenewe.

E KA LUNA HOOPONOPONO ;—Aloha oe : E oluolu oe a me na keiki ulele kauaheahe i ka hoonoho kepau. Na oukou ia e hoonoho iho ma kahi kaawale o kou kino, ke kulike ka manao me Kauaonahunahu, a waiho @hoolai ae imua o ke akea, i kela mau hua e kau ae la maluna, Kupaianaha ka newenewe. E ninau mai paha auanei kekahi, i kupaianaha hoi i ke aha ? I na o ka ninau ia. Penei au e kamailio aku ai. "Aia ma ka la 24 o Dec. o ka makahiki i hala'e nei, he Sabati; ua lohe aku au ma ka waha o ka mea haiolelo, ma Kaluaaha, ma ka mokupuni o Molokai. Aole nae o ke kahu oia Ekalesia o ka mokupuni; ua hele aku oia i ka ahaaina ma Kalaupapa. O kekahi luna no, a nana i malama ka haiolelo i ka la Sabati; a kuhikuhi mai la oia i ka olelo ma Ioane, a hai mai la oia i na manao nui, penei:—1; O ka oiaio o ke Akua. 2; O ka mana o ke Akua. A wehewehe mai la oia i ka manao mua. 1. O ka oiaio a Akua. Ua ike ia ka oiaio o ke Akua ma na mea i hanaia ma ka honua, a me na mea i hanaia ma ka lani, a o ua hoike iho la no ia e akaka'i' ko ke Akua oiaio. A kukulu mai la oia i ka olelo piliole i kona manao mua; a o ka mea kupanaha no ia i ko'u manao, a penei no ia;"— "O na kanaka o Kalauwao a me Waikolu, kahi a ke Aupuni i hookaawale iho nei no na mai lepera. Ua uhiki ka ke Akua ia poe *aka no ko lakou hewa. No ka mea, he *@le ole k@ kela, i ka pule i ka la Sabati aole he manao i ke Akua, nolaila, uhuki ke Akua ia lakou." Ea! E ka makua aloha iloko o ka Haku, he manomano ke kuhihewa o kau mau olelo, e alakai ana i kou kino holookoa iloko o ka nenelu poho. Aole anei oe i ike, ua hoopomaikai mai ke Aupuni i kela poe; a ua haawi mai hoi i ke dala nona kuleana aina o lakou? Oia anei ko lakou la hewa, o ka loaa o ke kani a ka pelehu ia lakou la, a ina he hewa ia o ka polohuku o ka lakoa la eke ? ea ! he keu aku, alaila, ala hou mai o Waawaaikinaaupo me kana manu heluhelu. Eia kahi mele no lakou. Pokeokeo na makua, Poheke-@a-manu na makamaka, Hoopomaikai ke Aupuni, I ko Kalauwao a me ko Waikolu, Hoi luuluu i Kainalu, Me na eke lole pakeokeo. Nolaila, ua hele kela poe, oia hoi na kamaaina kupa oia wahi, ua haalele i ke one hanau a ua noho ma Kainalu. A ua ana ia kela wahi, e like me ka nui o kona mau eka, ma kahi o lakou i waiho aku ai no ka poe i loohia e ka mai lepera. Pela no ka nui o kahi i anaia ma Kainalu. A ina e manao ana ka mea kuleana e ohi ma ke dala i kekahi hapa, a koe hoi kekahi hapa ma ka aina o Kainalu, ua pono no ia. E ka makua iloko o ka Haku, oia anei ka hewa o kela poe, o ko ke Aupuni haawi mai i wahi kupono e noho ai keia poe ? E nana aku i ka poe i hoopai ia e ke kanawai, e noho nei ma na hale paahao, ua loaa anei ka pomaikai no lakou iho ? Ke pane mai paha kekahi, "aole," A pehea hoi ka poe malihini e noho la m@ Kainalu ? Ua polohuku ka lakou la eke i kaua ana ia. Ea ! ke nana nei oe i ka pula iki iloko o ka maka o kou hoahannu, me ka olelo aku, "ua uhuki ia lakou no ko lakou hewa," Aole anei oe i ike i ke kaola nui iloko o kou maka iho.

A me ka alua o ka manao. 2. O ka mana o ke Akua. Ua like no ka wehewehe ana o keia manao, me ka manao mua, a me ka hoopili mai no i ua poe hewa nei a ke Akua i uhuki ai, (wahi a ka mea haiolelo.) Nolaila, e ka makamaka, e oki kou pane ana imua o ka lehulehu pela, me kou hai ma i ka hewa a lakou i hana'i ma ka la Sabati. A ua lilo ia olelo au i mea e hoohilahila ai ia lakou, a ke manao nei au, he nele manao maoli no, i hoopiha ai i kela mau olelo, E oki au maanei Me ka Luna Hooponopono ke aloha a me na keiki ulele i ka hoonoho kepau. D.W.P. KAHANANUI Kalihi-kai, Oahu, Jan 8, 1866. - Ma Irelani, ua pepehi kekahi keiki i kona makuakane ma ka houhou ana ia ia me ke o kaulai mauu.